HATAW! D'yaryo ng Bayan hatawtabloid.com
CAGAYAN DE ORO CITY – Arestado sa inilunsad na anti-illegal drugs operation ng pulisya ang kapatid na lalaki ng convicted drug lord na si Herbert Colanggo sa Brgy. Natumulan, Tagoloan, Misamis Oriental.
Kinompirma ito ni PNP regional spokesperson Supt Surki Sereñas kahapon.
Kinilala ang suspek na si Leoncio Colanggo, 39, nakatira sa Brgy. Bayabas, Cagayan de Oro City.
Sinabi ni Sereñas, naaresto si Colanggo habang binibisita ang anak ng kapatid niyang si Herbert sa bayan ng Tagoloan nitong lalawigan.
Nakuha sa pag-iingat ng suspek limang sachets ng suspected shabu.
Inamin ng kanyang pamangkin na si Hera Colanggo, ma-dalas bumisita ang kanyang tiyuhin upang mag-abot ng financial support.
Sa ngayon,hindi pa maiugnay ng pulisya kung mayroong koneksyon si Leoncio sa malaking illegal drugs trade na kinasangkutan ng kanyang kapatid na si Herbert sa loob ng New Bilibid Prison.
