HATAW! D'yaryo ng Bayan hatawtabloid.com
HINDI pala natuloy ang guesting ni Angel Locsin sa Banana Sundae kaya naudlot ang pagtatagpo nila ni Jessy Mendiola.
Wala ring isnabang mangyayari dahil kung natuloy daw ang guesting ni Angel dahil nagkataong wala rin si Jessy noong taping na ‘yun. Si Jessy ang bagong nali-link kay Luis Manzano samantalang ex ng TV host si Angel.
Bebesohin ba ni Jessy si Angel at iwe-welcome bilang mainstay ng gag show?
“Yes, of course,” pakli niya sabay tawa.
If ever na matuloy, hindi naman siya mag-a-absent?
“Bakit naman po?,” balik–tanong ni Jessy.
“Hindi naman po ako ang may hawak ng show, eh. So, susunod din lang naman ako,” bulalas niya.
Ready siya na magkaeksena sila sa Banana Sundae?
“Baka po maging drama. ‘Di ba ayaw niyo po na maging drama?,” sambit niya.
“Bakit naman po hindi?,” dagdag pa niya.
Anyway, magdiriwang ng 8th anniversary ang Banana Sundae ngayong Nov. 17 sa Kia Theater. Abangan ang pasabog na group production numbers ng Banana Sundae barkada na sina Angelica Panganiban, John Prats, Pokwang, Pooh, Jayson Gainza, JC De Vera, Jessy Mendiola, Jobert Austria, Sunshine Garcia, at Aiko Climaco kasama pa ang kanilang surprise celebrity guests.
Laging makitawa at makisaya sa kuwelang barkada ng Banana Sundae tuwing Linggo pagkatapos ng ASAP ng ABS-CBN 2.
TALBOG – Roldan Castro
