SINIMULAN na kahapon, Nobyembre 6, ang apat Linggong Bar examination para sa libo-libong nais na maging abogado.
Kasabay nito ay nagpatupad nang mas mahigpit na seguridad sa paligid ng University of Santo Tomas (UST) na pinagdausan ng pagsusulit.
Kaugnay nito, paiiralin sa paligid ng UST ang traffic rerouting para sa mga sasakyan tuwing araw ng Linggo ngayong buwan.
Gagawin ang bar exam tuwing Linggo o sa sumusunod pang petsa: Nobyembre 13, 20 at 27, 2016.
Ayon sa Manila Police District, sarado ang westbound lane ng Espana Boulevard at Lacson St., P. Noval St., ngayong November 6, 13, 20, at 27 mula 5:00 am hanggang 7:30 am at 3:00 pm hanggang alas-7:00 pm.
Sarado sa trapik sa nasabing mga petsa ang Dapitan St., at Lacson St., P. Noval St., mula 10:00 am hanggang 1:00 pm.
Umiiral ang liquor ban, o pagbabawal sa pagtinda at pagbili ng mga alak, 100 metro mula sa examination venue.
Ayon sa Supreme Court, aabot sa 6,831 ang kukuha ng pagsusulit ngayong taon.
Layunin nang mahigpit na seguridad na huwag maulit ang trahedya sa Bar exam noong Setyembre 2010 na marami ang nasaktan sa pagsabog ng granada habang isa ang naputulan ng paa.
