Allergic nga ba sa tattoo si Sen. Risa Hontiveros? (Pagkatapos ng color-coding rule sa MRT/LRT)

Hahaha!

Mukhang malaki na ang ginagastos ni Senator Risa Hontiveros sa kanyang media hype.

Hindi man lang kasi tumunog ang pangalan ng Senadora sa mga nagdaang maiinit na usaping pinag-usapan sa Senado.

Sa mga bagong senador, tanging sina Senador Leila De Lima, Senador Ping Lacson at Senador Manny Pacquiao lang ang nagpakita ng magkakaibang galing kaya mainit na pinag-usapan nitong mga nakaraang linggo.

Si Senador Leila, na nagpatawag ng hearing sa Senado, bilang chairman ng Senate Committee on Human Rights & Justice, kaugnay ng umano’y extrajudicial killings sa giyera ni Pangulong Rodrigo “Digong” Duterte laban sa droga.

At si Senator Pacquiao, na nag-motion para tanggalin sa committee si Sen. De Lima bilang chairman.

Ang hakbang umano ni Senator Manny ay tila isang punching hook na nagbaliktad sa buong senaryong tinutumbok sana ng imbestigasyon ni Delilah ‘este Sen. De Lima laban sa anti-illegal drugs campaign ng administrasyong Duterte.

Grabe!

Kaya ang suspetsa ng ilang mga kakapihan natin nitong mga nakaraang araw, dahil hindi napag-uusapan si Senator Risa, nagtangka ang kanyang media-hyper na mapag-usapan siya kahit sa isang ka-engot-engot na paraan.

Una, nang pumutok sa social media na naghain umano ng Senate Bill si Hontiveros na dapat magpatupad ng color coding ang mga pasaherong sumasakay sa LRT at MRT upang sa gayon ay mai-prioritize ang mga dapat na unang makasakay.

Ay naku, talagang naghagalpakan ng tawa ang MRT/LRT riders, kasi hindi naman lohikal na solusyon ‘yung mag-color coding ang mga pasahero.

Inakala siguro ng kung sinong henyo, puputok ang pangalan ni Hontiveros sa nasabing isyu, pero sorry na lang…

Kasunod nito, biglang mayroong lumabas na paglilinaw na hindi umano naghain ng kagayang panukala ang senadora na dating party-list representative.

Nitong bago mag-Undas, mayroon na namang lumabas na post sa social media na naghain na naman daw ng bagong panukala si Hontiveros na ipinagbabawal ang tattoo sa simbahan at sa unibersidad.

Wattafak?!

Kung pinapayagan daw kasi ito sa simbahan at mga unibersidad, ‘e nakapang-i-engganyo raw ito sa mga kabataan na magpalagay rin nito sa kanilang katawan.

Kung ang tattoo raw ay nasa buong braso, kailangan magsuot ng long sleeves bago pumasok sa eskuwelahan o sa simbahan.

Kung nasa mukha naman, kailangan daw tabunan ng concealer para matakpan.

Nagpapatawa ba ang senadorang hindi naman kalbo!?

E grabe naman pala ang pagka-atrasado ng utak nitong si Senador Hontiveros.

Since time immemorial, sa iba’t ibang panig ng mundo ay marami nang nagpapraktis ng paglalagay ng tattoo sa katawan.

Ito ay ginagawa nila batay sa kanilang paniniwala at tradisyon.

Dinaig pa ng senadora ang Santo Papa sa pagbabawal ng tattoo?!

Wattafak!?

Pero nang i-check natin ang site, kung saan naka-post ang nasabing balita, natuklasan natin na ‘fake’ at tila pinalalabas na kagagawan ng supporters ni Pangulong Digong ang katawa-tawang istorya.

Kung susuriin, may media hype na nagaganap na ang maaaring epekto ay mainis o magalit kay Hontiveros.

Pero kapag nalaman na peke pala ang balita at ang site, paghihinalaan na kagagawan ng Duterte supporters o trolls.

Ano po ang ibig sabihin nito?

Tapos na ang eleksiyon pero hindi pa tapos ang propaganda war.

Mag-ingat po sa mga nababasa natin sa social media. Kailangan pong maging mapanuri lalo na kung hindi kilala o hindi kayo pamilyar sa site.

Huwag po kayong magpagamit sa mga ‘spin’ na mapanlinlang.

Be literate. Be aware. Be conscious. At higit sa lahat, be logical.

Ingat, ingat po.

SAMPALIN LAHAT
NG MANGINGIKIL!

Galit ang Pangulong Rodrigo “Digong” Duterte.

Kaya siguro nakapagsalita siya sa harap ng overseas Filipino workers (OFWs) sa Tokyo na sampalin ang lahat ng mga nanghihingi ng pera o nangingikil sa kanila na taga-Immigration o taga-Bureau of Customs (BoC) o kahit mga pulis.

Ibang klase talaga ang presidente natin ngayon. Binibigyan niya ng lakas ng loob ang mahihina habang tinatabasan ng pangil ang mga maninila.

Pero parang gusto nating hilingin sa Pangulo, puwede bang lahat ng mangingikil ay sampalin?!

Kahit ‘yung mga taga-city o municipal hall na grabeng makapangikil sa mga kumukuha ng Mayor’s o business permit.

E, Mr. President, puwede bang ang unang sampalin ‘yung ganid at hidhid sa mga local government units na grabeng makapangikil?!

Sila ang unang dahilan kung bakit maraming negosyante ang nagsasara na lang ng kanilang mga kompanya.

Kasi sa laki ng hinihingi nila, naubos na pati ang kita.

Ibig sabihin mga mangingikil ang may malaking ganansiya habang ang mga namumuhunan ay lalong nakakatasan.

Sampalin na ‘yan!

PAREHAS NA PROMOTION
SA AIRPORT POLICE

KUYA Jerry, hinaing naming mga airport police sa ginagawang promotion sa amin, sana ay maging parehas. Walang palakasan. Tapos na po ang interview sa mga airport police. Kaming mga beterano (10-20 year ) na hindi napo-promote sana’y mabigyan pansin ni GM Monreal. May isang sarhento gustong ma-promote na major ay puro kaso noon. Sana ma-check ni GM.

+63919550 – – – –

LIFESTYLE CHECK
SA PAGCOR OFFICIAL

GOOD am sir, kung may dapat na ma-lifestyle check sa PAGCOR ay walang iba kundi si BM Red na malakas noon kay Naguiat dahil kamag-anak.

+639154244 – – – –

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap