Zanjoe, humuhukay ng bangkay

#SCHIZOPHRENIC father! Ito ang katauhang gagampanan ni Zanjoe Marudo sa Halloween episode ng MMK (Maalaala Mo Kaya) sa Sabado, Oktubre 30, sa Kapamilya.

Sa direksyon ni Elfren Vilbar at mula sa panulat nina Akeem Jordan del Rosario at Arah Jell Badayos, ang istorya ni Victor (Zanjoe) ay tungkol sa isang amang mapagkalinga sa pamilya na nagsimula sa pagtatayo ng isang bakery sa Iba, Zambales katuwang ang misis na si Marites (Isabel Oli).

Pero ang ginawa niyang pagtulong sa isang matanda at anak nitong lulong pala sa bawal na gamot ang nagpabago sa buhay at katauhan ni Victor dahil ang ipinundar nila ay kinuha ng mag-ina. Dahil sa depresyon, naiba ang pagkatao ni Victor at may mga pagkakataong hinuhukay nito ang mga bangkay at ibinabaon naman ang mga santo.

Makakasama nina Zanjoe at Isabel sa makabagbag damdaming episode ng MMK sina Eva Darren, Lance Lucido, Chunsa Jung, Boom Labrusca, Encar Benedicto, at Bryan Homecillo.

Hanggang saan kinaya ng pamilya ang naging kalagayan ng ama ng kanilang tahanan?

HARDTALK – Pilar Mateo