CAMP OLIVAS, Pampanga – Patay ang isang lalaki habang malubha ang kalagayan sa pagamutan ng kanyang misis makaraan araruhin ng isang van ang sinasakyan nilang tricycle kamakalawa ng umaga sa MacArthur Highway, Brgy. Capalangan, bayan ng Apalit.
Base sa ulat ni Supt. Wilson M. Alicuman, hepe ng Apalit Police, sa tanggapan ni Chief Supt. Aaron N. Aquino, Police Regional Office-3 director, agad binawian ng buhay sa insidente si Allan de Jesus y Guintu, 37, habang isinugod sa Lim Hospital ang misis niyang si Hazel de Jesus y Biernes.
Sa pagsisiyasat ni PO1 Artem Tamsi, dakong 6:10 am habang lulan ng tricycle ang mag-asawa nang bigla silang salpukin ng Isuzu aluminum van (WAO-835) na minamaneho ni Jessel dela Cruz, 34, ng Malabon City.
( LEONY AREVALO )
