Wednesday , April 24 2024

Leni atat sa foreign aid (Next generations balewala) — Digong

100716_front

ATAT sa foreign aid si Vice President Leni Robredo at walang pakialam kung sisirain ng illegal drugs ang susunod na henerasyon ng mga Filipino.

Ito ang inihayag kahapon ni Pangulong Rodrigo Duterte sa Camp Rafael Rodriguez sa Butuan City kagabi.

Sa kanyang talumpati, binigyang-diin niya, mas gugustuhin niyang alipustahin ng mga kumokontra sa kanyang drug war, manindigan sa dignidad ng Filipinas kaysa matulad sa mga bansa sa South America na bumagsak sa kamay ng narco-politicians.

Giit ng Pangulo, wala siyang pakialam kung hindi nauunawaan ng Amerika, United Nations at European Union ang isinusulong na drug war ng kanyang gobyerno.

Hindi aniya siya nangangamba, gaya ni Robredo, alisin man nila ang ibinibigay na aid sa Filipinas dahil kailangan nang manindigan laban sa illegal drugs upang maisalba ang bansa, lalo ang susunod na mga henerasyon.

“That statement from mayor or president does not have criminal liability, I just like to give an advice to all human rights now, international and local, I say you can go to hell. It’s never wrong for a president for police and military to protect it’s citizens it’s self preservation not only for us… if you want to be like Escobar in Latin American countries who are all failed states because of drugs hindi masama if I go overboard shouting hell I’ve been hurled insults. The President, EU and all, ang masama pa threaten n’yo meron tayo official si Leni na we lose the international assistance,” anang Pangulo.

“You know, mamili kayo the crumbs of the favor ng ibang nasyon aasa tayo sa assistance nila or we make a stand that this country has to survive that this country must see to it that the next generation is protected? Because if we don’t interdict this evil of drugs, ang mga anak natin ang mga apo natin reckon from where I stand now, kawawa sila, it was not until I became pres na nakita natin widespread danger na ‘yan,” aniya.

Giit ng Pangulo, kailanma’y hindi mangangayupapa ang Filipinas sa abuloy ng ibang bansa, handa siyang mamatay sa gutom kaysa ikompromiso ang dignidad ng bansa at maging sunud-sunuran sa dikta ng US, UN at EU.

ni ROSE NOVENARIO

About Rose Novenario

Check Also

drugs pot session arrest

4 arestado sa pot-session sa Valenzuela

SWAK sa kulungan ang apat katao matapos mahuli sa akto ng mga pulis na sumisinghot …

arrest prison

Sigang tambay, kulong

‘IBINALIBAG’ sa selda ang 22-anyos tambay makaraang pumalag at ‘magpamalas ng kabangisan’ nang ireklamo ng …

Win Gatchalian

Mas maigting na pakikilahok ng LGUs sa edukasyon isinusulong ni Gatchalian

MULING isinulong ni Senador Win Gatchalian na paigtingin ang pakikilahok ng local government units (LGUs) …

Namatay sa baha sa Dubai
LUBOS NA TULONG MARAPAT IGAWAD SA TATLONG OFWs

KASUNOD ng pagpapaabot ng taos-pusong  pakikiramay sa pagkamatay ng tatlong overseas Filipino workers (OFWs) sa …

Paco Catholic School Fire Sunog

Pagkatapos ng P15-M sunog sa palengke
PACO CATHOLIC SCHOOL NO FACE-TO-FACE CLASSES

INIANUNSIYO ng Paco Catholic School (PCS) ang suspensiyon ng face-to-face classes simula bukas, Martes, 23 …

Leave a Reply

Your email address will not be published. Required fields are marked *