LA UNION – Nahaluan ng kalungkutan ang masaya sanang selebrasyon ng Teachers’ Day kamakalawa nang malunod ang isang guro sa bayan ng Naguilian.
Base sa report ng pulisya, kinilala ang biktimang si Larry Marquez, 24, residente ng Brgy. Palintucang, Bauang, La Union.
Sa inisyal na pagsisiyasat ng pulisya, nagtungo ang biktima sa naturang resort kasama ang mga kapwa guro upang mag-picnic at ipagdiwang ang Teachers’ Day.
Habang naliligo sa swimming pool, napansin nilang nalunod ang biktima.
Dinala sa Naguilian District Hospital ang guro ngunit idineklarang dead on arrival ng attending physician.
