Saturday , December 10 2022

Magsuri bago humusga

MABIGAT ang mga paratang ng testigo na iniharap ni Senadora Leila De Lima sa kanyang ginagawang imbestigasyon ng umano’y Extrajudicial Killings (EJKs) sa ating bansa.

Hindi biro na paratangan ng pagpatay si Pa-ngulong Rodrigo Roa Duterte at kanyang anak na si Paolo na vice mayor ng Davao City. Dahil dito ay hindi dapat basta-basta natin balewalain ang mga sinabi ni Edgar Matobato bagama’t hindi rin ito dapat paniwalaan agad.

Dapat suriin ito sa lilim ng katuwiran at liwa-nag ng katotohanan at hindi batay sa ating mga akala o narinig lamang sa ating mga katabi o katoto. Kalimutan muna lahat ng bias at pakinggan ang lahat ng anggulo bago humusga.

* * *

Hindi maintindihan ng Usaping Bayan kung bakit ipinipilit ng ilan ang salot na Plantang Nukleyar sa Morong Bataan. Ewan ko kung alam nila na fault line ang kinatatayuan ng Bataan Nuclear Power Plant at ang Mt. Natib, tulad ng Mt. Pinatubo ay maaring biglaang sumabog na ma-giging sanhi ng pagbulwak ng mga elementong radioactive sa dagat, lupa at kalangitan.

Sino ang tatamaan ng nuclear fallout na ikamamatay ng milyon? ‘Yung mga nagpupumilit na buhayin ang BNPP? O ‘yung mga Filipino na dahil sa kahirapan ay walang masisilungan o mapagtataguan?

‘Yun ngang mga ordinaryong Hapones ay isinusuka ang kanilang mga plantang nukleyar, lalo na nang maganap ang aksidente sa nuclear power plant na nasa Fukushima. Mayamang bansa ang Hapon at sulong ang teknolohiya ng mga Hapones pero sila mismo ay walang magawa sa panganib na hatid ng plantang nukleyar… tayo pa kaya?

* * *

Ibig kong pasalamatan ang aking guro na si Rev. Guillermo Juan Jr., si Pareng Jerry Yap, Ricardo Panelo, si Chairman Ben Abalos Sr., Mayor Herbert Bautista, lider negosyanteng si Mike Defensor, ang negosyanteng si Resty Perez, sina Bishop Armando Dela Cruz, Obispo Supremo ng Philippine Independent Catholic Church; si Obispo Valiant Dayagbil, PICC Secretary General; si Kuyang Rev. Isaias Ginson ng Simbahang Episcopal, si Kuyang Kern Sesante ng Bureau of Customs, si Kuyang Junex Doronio, ang staff ng Beyond Deadlines, si Manang Ester, ang aking pamilya kasama na ang aking mga dogito at ang marami pang iba na nagtiwala at sumuporta sa aking paglalakbay.

Mabuhay kayo.

* * *

Mababaw daw tayo kung magsuri ng pambansang kalalagayan. Para sa karagdagang detalye ay pasyalan ninyo ang aking bagong e-news website, www.beyonddeadlines.com

Ang website na ito ay maglalaman ng mga malalalim na talakayan kaugnay sa mga pangyayari sa ating bayan at iba pang mahalagang impormasyon para sa pang-araw-araw nating buhay. Sana ay makaugalian din ninyo na bisitahin ang website na ito. Pakikalat ang balita tungkol sa www.beyonddeadlines.com

Salamat po.

* * *

Kung ibig ninyong maligo sa hot spring ay maaari kayong pumunta sa Infinity Resort sa Indigo Bay Subdivision, Brgy. Bagong Kalsada, Calamba City. Malapit lamang sa Metro Manila at mula sa resort na ito ay tanaw ninyo ang banal na bundok Makiling.

Magpadala nang mensahe sa www.facebook.com/privatehotspringresort para sa karagdagang impormasyon o reserbasyon.

USAPING BAYAN – Nelson Flores

About Rev. Fr. Nelson Flores, MSCK, JD.

Check Also

FIRING LINE ni Robert B. Roque, Jr.

Rabies, isda, at bakuna

FIRING LINEni Robert B. Roque, Jr. LABINLIMANG TAON na ang nakalipas nang, sa bisa ng …

AKSYON AGAD ni Almar Danguilan

Alulong ng mga detractors ni IG Triambulo

AKSYON AGADni Almar Danguilan MISTULANG mga lobo na umuungol tuwing kabilugan ng buwan ang iilang …

Dragon Lady Amor Virata

Balik normal ang mga mandurukot

Isumbong mokay DRAGON LADYni Amor Virata SOBRANG GUTOM na nararanasan ng tao ngayon sa ating …

Sipat Mat Vicencio

Si Imee sa Maynila sa 2025

SIPATni Mat Vicencio MALAMANG na magbago ang mukha ng politika sa Maynila kung tuluyang hindi …

YANIG ni Bong Ramos

Vendors pinalayas sa puwesto kapalit ng pay parking slot ng mga motorsiklo

YANIGni Bong Ramos KAHABAG-HABAG ang sinapit ng maraming vendors dito sa Maynila matapos silang palayasin …

Leave a Reply