CAGAYAN DE ORO CITY – Nahaharap sa kasong paglabag sa RA 9165 ang 11 drug surrenderee makaraan mahuli ng mga tauhan ng CIDG-10 na muling gumagamit nang ilegal na droga sa Block 4, Celrai, Brgy. Puntod ng lungsod ng Cagayan kamakalawa.
Ayon kay CIDG-10 chief investigator, SP04 Noel Oclarit, kanilang nahuli ang drug surrenderee na si Rommel Mag-away alias Omir, siyang target ng anti-drug buy-bust operation.
Nahuli rin sa loob ng drug den sina Lilibeth Pasaje, 40; Miriam Bitor, 50; Ramil Camado, 55; Joselito Jamis, 29; Ismael Damasi, 25; Jovel Salos, 22; Ralph Labtan, 18; Jose Jamis; Benjie Labtan, 20, at Clinton Labtan, 21-anyos.
Nakomiska mula kay Mag-away ang 7.6 gramo ng shabu na nagkakahalaga sa P68,400 at drug paraphernalia.
