HATAW! D'yaryo ng Bayan hatawtabloid.com
MASUSING iniimbestigahan ng mga awtoridad ang tangkang pagpuslit ng 5,000 piraso ng ecstacy tablet sa lungsod ng Maynila gayondin ang amphetamine na pangunahing sangkap sa paggawa ng shabu.
Sa pagtaya ng mga imbestigador, nasa P7.5 milyon ang halaga nang naharang na mga droga.
Napag-alaman, idinaan ang mga kontrabando sa Central Post Office at idineklarang mga laruan.
Ilan sa mga tableta ay isinama sa ilang set ng puzzle para itago sa mga inspeksiyon.
Lumalabas na nagmula ang mga kontrabando sa The Netherlands at gumamit ng online transaction gamit ang mga pekeng pangalan.
