Ellen, mahusay tumugtog ng piano

NAPANOOD namin ang mga ipinost ni Ellen Adarna sa kanyang IG account na tumutugtog sila ng piano ng kanyang mama ng Blue Moon at dito lang namin nalamang may ibang talent pala ang sexy actress bukod sa pag-arte.

Bagamat matagal na naming nabalitaang nagmula si Ellen sa mayaman at nirerespetong angkan sa Cebu ay kuwestiyonable sa amin kung bakit mas pinili nitong magbilad ng katawan at ang sabi ng lahat ay ‘pasaway siyang anak.’

Base sa napanood naming, napaka-simple ng dalaga na naka-short at puting shirt na walang make-up habang tumutugtog katabi ang ina.

Parang mas na-appreciate namin si Ellen sa hitsura niyang iyon na simple at walang make-up habang nagba-bonding silang mag-ina sa pamamagitan ng pagtugtog ng Blue Moon.

Parang ibang Ellen kasi ang nakikita namin kapag nasa presscon.

Anyway, ano ba ang project ngayon ng dalaga, Ateng Maricris? (Siya ang gumanap na dalagang Gloria (Sylvia Sanchez) sa The Greatest Love na kasalukuyang umeere ngayon sa ABS-CBN pakatapos ng Doble Kara—ED)

FACT SHEET – Reggee Bonoan