Friday , March 29 2024

Paggamit sa wikang Filipino dalasan – Almario (Mungkahi kay Duterte para mas maintindihan)

INIREKOMENDA ni Pambansang Alagad ng Sining at Tagapangulo ng Komis-yon sa Wikang Filipino (KWF) Virgilio Almario na dalasan ni Pangulong Rodrigo Duterte ang pagsasalita sa wikang Filipino, sa isang panayam na isinagawa sa Unibersidad ng Pilipinas sa Quezon City kamakalawa.

“Sino ba ang naka-misinterpret sa kanya? Sa tingin ko iyon naman ang natural niya. May iba-iba lang talagang reaksiyon ang tao, positibo at negatibo.”

Ito ang naging sagot ni Almario nang tanungin kung may nakikita siyang problema sa paggamit sa wika ni Duterte dahilan para ma-dalas siyang hindi maintindihan, o maintindihan man ay sa maling perspektibo.

Sa mga nakalipas na buwan ay maraming naging isyu tungkol sa pananalita ng pangulo ng bansa.

Ayon sa kanyang mga communications officer, maraming pagkakataon na ang pangulo ay “taken out of the context.”

Nitong nakaraang linggo, naging maingay ang kanselasyon ni US President Barack Obama sa nakatakdang pulong nila ni Duterte sa ASEAN Summit sa Laos.

Sinabing ang kanselasyon ay resulta ng sagot ni Duterte sa isang news reporter nang tanungin siya kung ano ang sasabihin niya kapag sinita siya ni Obama sa isyu ng extrajudicial killings na nagaganap kaugnay ng maigting na kampanya sa ilegal na droga.

“Kung may maipapayo man ako sa kanya, iyon ay ‘yung paggamit niya nang mas madalas, sa wikang Filipino,” suhestiyon ni Almario.

Sa huli ay nagbiro si Almario at sina-bing,

“Ngayon kung ayaw niya talagang maintindihan ng mga Amerikano, gumamit siya ng wikang Filipino.”
nina Kimbee Yabut at Julyn Formaran

About Kimbee Yabut at Julyn Formaran

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *