Sunday , December 4 2022

Nate, ayaw pag-artistahin ni Regine

KUNG si Regine Velasquez ang masusunod, ayaw niyang mag-artista ang anak nila ni Ogie Alcasid na si Nate. Okey na kay Regine ang paggawa-gawa ng commercial ni Nate dahil iba nga naman ito kompara sa pag-aartista.

Nakaapat na commercial na si Nate, at ang latest ay ito ngang PLDT Home Smart Watch’s Peace of Mind campaign na baby ambassador nga si Nate. Maganda kasi ang layunin ng campaign na ito lalo na sa mga working mom para lalo silang maging better mom.

Ani nga ni Regine, “Specifically I get a lot of help from PLDT Home. They have a suite of products and services that are designed to give moms like me peace of mind through the power of technology. So far, super helpful talaga siya for me especially when I have to away for work.”

Sinabi pa ni Regine na okey lang sa kanya na gumawa si Nate ng commercial. “Ngayon lang kasi maliit pa siya pero parang hindi naman din sa pag-aartista ang hilig niya. Pero I’m glad na medyo aware siya sa industriyang ginagalawan naming ng tatay niya. It’s also good na alam niya na galing kami sa industriyang ito pero hindi ko masabi kung ito ang gugustuhin niyang gawin. For me sana hindi. Parang iba ang gusto niya.”

Mahilig si Nate sa mga eroplano, maps at flags. Sa katunayan, alam niya ang kulay ng PAL, Cebu Pacific, Cathay Pacific, at iba pang airlines. Paborito rin ng apat na taong gulang na anak nila si Mang Tani (Nathaniel Cruz, weather forecaster) “Kasi raw Nathaniel din ang name, ha ha  ha,” kuwento ni Regine.

“Nakagugulat na marami na siyang alam at ang galing niyang magbasa. Hindi ka na nga puwedeng magtago eh, kasi ‘pag may text binabasa na niya,” sambit pa ng Asia’s Songbird.

Very open si Regine ngayon na i-expose si Nate sa presscon kaya natanong siya kung pagdating ba ng panahon ay itatago niya rin ito sa press?

“Hindi naman. I’m holding on lang na hindi ito ang career path na gugustuhin niya,” anito. “But if he wants to be in this business hindi mo naman mapipigil and ayoko rin naman na itago pa niya sa akin. Siyempre whatever he wants to be I will support that as a mom. I’m just hoping na hindi ito ‘yung career na makukuha niya kasi masyadong pressure.”

Mahilig din daw kumanta si Nate. “Yes hes always singing. That’s how I’m finding him in the house. I follow his voice. Theme song niya ‘yung kanta sa ‘Poor Senorita’.”

At tulad ni Ogie, mahilig din daw sa magagandang babae ang anak nila. “Si Maine, raw hindi na niya crush… nahihiya siya. Eh, noon pinapunta niya pa nga kami sa ano…, pinabalik pa niya car para mag-picture kami kay Maine. Pero gandang-ganda siya kay Marian (Rivera). Si Solenn (Heussaff) naman type na type niya. Manang-mana talaga siya sa tatay niya hahaha.”

Si Nate ay tulad din ng ibang bata na mahilig sa gadget. “Oo magaling mag-Ipad iyan. Kaya nga nire-restrict ko ‘yung Ipadding niya. Ipadding tawag namin. Hindi kami everyday nag-a-Ipad. He likes going to youtube, games, pambatang games kaya I allow him. He likes anything about airplanes, safety video, he’ll watch for hours and hours.

“Tini-train ko siya na maikling oras ang ginugugol sa Ipad kasi he loves to play eh. Nauna kasi naming ginawa ‘yung mag-play kaysa mag-Ipad. ‘Pag napagod mag-Ipad, maglalaro siya kahit mag-isa lang siya.”

Naikuwento pa ni Regine na ayaw daw magkaroon ng kapatid ni Nate dahil, “Kasi raw mayroon na raw akong baby at siya raw ‘yun at sabi niya ‘di ba I’m a good baby mommy?’ May mga kalaro naman daw siya tinanong ko siya eh, ayaw daw niya, kasi alam niya napanood niya sa video lumalaki ‘yung tiyan, may lumalabas na baby, ayaw niya for me. Parang dangerous na.”

SHOWBIZ KONEK – Maricris Valdez Nicasio

About Maricris Valdez Nicasio

Check Also

Jake Cuenca Baron Geisler

Jake Cuenca ‘di na umiinom, naging motivation si Baron

MATABILni John Fontanilla ISINAPUBLIKO ni Jake Cuenca na isa’t kalahating taon na siyang hindi umiinom ng alak. …

Michelle Aldana

Michelle Aldana balik-South Africa na

I-FLEXni Jun Nardo BUMALIK na sa South Africa ang beauty queen-turned actress na si Michelle Aldana at …

Andrea Torres Rabiya Mateo Max Collins

Andrea, Rabiya, at Max umaariba ang career kahit sawi ang mga lovelife 

I-FLEXni Jun Nardo PUSONG-SAWI man pagdating sa kanya-kanyang lovelife, umaaribang career naman ang isinukli sa …

Blind Item, Men

Pipitsuging gay talent manager inilalako alaga sa mayayamang bading

ni Ed de Leon ANG totoo, hindi naman sa nakikialam kami sa raket ng iba, …

Julie Anne San Jose Rayver Cruz

Rayver at Julie Anne umamin na

MA at PAni Rommel Placente SO, talagang may relasyon na sina Julie Anne San Jose at Rayver Cruz, …

Leave a Reply