BUNSOD nang matinding depresyon dahil sa pagkamatay ng kanyang matalik na kaibigan, nagbigti ang isang 23-anyos alaki sa kanilang bahay kahapon ng umaga sa Pasay City.
Kinilala ni Pasay City Police chief, Sr. Supt. Nolasco Bathan, ang biktimang si Bernard Ramirez, ng 164 Gotamco St., Brgy. 16 Zone 1 ng nasabing lungsod.
Base sa inisyal na ulat ni SPO1 Giovanie Arcinue ng Pasay City Police, natagpuan ng kanyang inang si Felina, 40, ang nakabigting biktima sa kanyang silid dakong 7:30 am.
Sinasabing dumanas nang labis na lungkot ang biktima nang mapatay ng hindi nakilalang salarin ang matalik niyang kaibigan na nagngangalang Richard sa Makati City. (JAJA GARCIA)
