PATAY ang isang lalaki habang nakatakas ang kanyang kasama makaraan lumaban sa mga pulis sa pagsalakay sa hinihinalang drug den sa Binondo, Maynila kamakalawa ng hapon.
Kinilala ang napatay na si Ronnie Bucao, 50, tubong Sta. Maria, Isabela at naninirahan sa San Roque, Tarlac.
Habang tinutugis ng mga awtoridad ang hinihinalang tulak na si Esmundo Ariola, alyas Dudoy, residente ng 316 Anggalo Street, Binondo, Maynila.
Batay sa ulat ni SPO1 Joseph Kabigting, ng MPD-Crimes Against Persons Investigation Section (CAPIS), dakong 3:30 pm sinalakay ng mga awtoridad ang sinasabing drug den sa lugar.
Ngunit nagtangkang lumaban si Bucao kaya napilitan ang mga pulis na siya ay barilin, habang nakatakas si Ariola.
( LEONARD BASILIO )
