Friday , May 24 2024

Jackie, nasa mahihirap ang puso

090916-loi-jackie-ejercito-mare
SI Dr. Loi Ejercito kasama ang anak na si Jackie Ejercito gayundin ang daughter-in-law na si Precy Vitug Ejercito at ang mga bagong officers/board members of MARE Foundation.

MAY puso. Ito ang nakita at naramdaman namin kay Jackie Ejercito sa turn-over ceremony ng MARE Foundation na ginanap noong Miyerkoles ng umaga sa San Andres Sports Complex.

Bale isinalin ni Dr. Loi Estrada, dating chairperson ng MARE Foundation sa kanyang anak na si Jackie ang pamamahala ng foundation.

Maluha-luha si Jackie sa sorpresang ipinakita sa kanya ng MARE Foundation sa pamamagitan AVP na nagbibigay tulong at nakikihalubilo siya sa mga kapuspalad sa Kamaynilaan.

Ani Jackie sa kanyang speech, nag-alangan siya noong una nang sabihin sa kanya ng kanyang ina na isasalin sa kanya ang pamamahala ng foundation.

“I won’t think I will be able to do half of what my mom did for MARE Foundation.

“Pero naalala ko, ang laging sinasabi ng aking ama (Manila Mayor Joseph “Erap” Estrada, “mamamatay, mabubuhay si Erap, hindi makakabayad ng utang na loob sa masang Filipino.

“Kaya’t tinanggap ko ang tungkulin bilang Chairman ng MARE Foundation. Para ipagpatuloy ang kanilang nasimulan,” bahagi ng speech ni Jackie. Ang MARE Foundation ay itinatag ni Erap noong 1996 noong siya ay Vice President pa ng bansa sa pamamahala ng kanyang maybahay na si dating Senador Loi.

Aktibo ang MARE Foundation sa paglibot sa buong Pilipinas para maiparating ang mga serbisyo medical sa pinakamahihirap na lalawigan lalo na sa mga maysakit na hindi kayang magbayad ng laboratory requirements, medical procedures o ‘yung mga naninirahan sa mga lugar na malayo sa mga pagamutan. Bukod sa medical assistance, tumutulong din ang MARE sa livelihood projects, scholarship para sa mga kabataan, artesian well distribution, at urban greening program.

Kasabay ng pagsasalin ng pamamahala sa pangalawang anak nina Dr. Loi at Erap ang panunumpa ng mga bagong talagang Board of Trustees. Kabilang sa mga nanumpa sa kanilang bagong tungkulin  ang maybahay ni Sen. Jinggoy Estrada na si Precy V. Ejercito na siyang Vice Chairperson; Corina Ponce Enrile Yenko, Treasurer; at Maria Cristina Tantoco Morada, Corporate Secretary. Kasama rin sina Fr. Edward M. Lavin, Ma. Rowena O. Ejercito, Gabriel Ma. J. Lopez, Precy V. Mathay, Willin C. Chan, Evelyn R. Carbaollo, at Benita Tayag.

Hindi na nagpaunlak ng one on one interview si Jackie dahil sa bukod sa hindi pa tapos ang event ay hindi naman ito sanay humarap sa press at talagang ang tanging kagustuhan lamang ay ang makatulong. Pero ramdam namin na posibleng i-groom siya ng kanyang mga magulang bilang politiko na hindi naman malayong mangyari lalo’t ramdam namin ang taos-pusong pagtulong niya sa kanyang mga kababayan.

SHOWBIZ KONEK – Maricris Valdez Nicasio

About Maricris Valdez Nicasio

Check Also

Joel Cruz at mga anak rumampa sa Filipinxt Fashion Show sa NY

MATABILni John Fontanilla HINDI malilimutan ni Lord Of Scents at CEO & President ng Aficionado Germany …

Beaver Magtalas Mutya Orquia

Beaver sa pagpasok sa isang relasyon: gusto ko handa na ako

MA at PAni Rommel Placente SA nagdaang Star Magic Prom 2024, na ginanap sa Bellevue Hotel noong …

Albie Casino

Albie proud maging ama, iba ang sayang naramdaman

MA at PAni Rommel Placente IBINALITA ni Ogie Diaz sa vlog nila nina Mama Loi at Dyosa Pockoh na Showbiz Update, na …

Jeraldine Blackman Anna Magkawas

Jeraldine Blackman may espesyal na diet

RATED Rni Rommel Gonzales ANG Blackman family ay pamilya ng content creators na naka-base sa Australia. Ito …

Caris Manzano Aica Veloso JD Aguas Jenn Rosa

Caris Manzano nagka-trauma, tinangkang halayin ng amain

RATED Rni Rommel Gonzales TRAUMATIC para sa Vivamax actress na si Caris Manzano ang attempted sexual harassment sa kanya …

Leave a Reply

Your email address will not be published. Required fields are marked *