HATAW! D'yaryo ng Bayan hatawtabloid.com
VIENTIANE, Laos – Dahil masama ang pakiramdam, dalawang malalaking pagpupulong ang hindi sinipot ni Pangulong Rodrigo Duterte kahapon ng umaga sa ASEAN Summit.
Una sa hindi sinipot ni Pangulong Duterte ang ASEAN-UN Summit kaya si Foreign Affairs Sec. Perfecto Yasay ang dumalo.
Sumunod na hindi nadaluhan ni Pangulong Duterte ang ASEAN-U.S. Summit dakong 10:00 am kahapon at si Yasay uli ang dumalo.
Sa ASEAN-U.S. Summit, posible sanang muling makaharap ni Duterte si Pangulong Barack Obama.
Inihayag ni Presidential Adviser on the Peace Process Jesus Dureza, hindi maganda ang pakiramdam ng Pangulo bagama’t nakadalo na East Asia Summit kasama ang 18 world leaders.
“He was not feeling well in the morning so he missed the 2 sessions. But he was able to attend the EAST ASIA SUMMIT with 18 world leaders and the rest of the day’s remaining schedule until departure for indonesia early evening today,” ani Dureza.
