3 sangkot sa droga patay sa CDS

PATAY ang tatlo katao na sinasabing sangkot sa ilegal na droga, makaraan pagbabarilin ng pinaniniwalaang mga miyembro ng Caloocan Death Squad (CDS) sa Caloocan City kahapon ng madaling-araw.

Ayon kay Caloocan Chief  Police Deputy Chief for Administration, Supt. Ferdie Del Rosario, dakong 5:30 am, natutulog sa loob ng Julaton Compound ang mga biktimang sina Mark Angelo Julaton, 19, at Ae-mos Timothy Cross, 19, nang pasukin ng dalawang armadong suspek na kapwa naka-bonnet at face masks at sila ay pinagbabaril. Sa Greenville Subdivision, Brgy. 171, nasa loob ng kuwarto ng kanilang bahay si Christian Patrik Punla, 28, at live-in partner ni-yang si Jessica Almonda, 22, dakong 1:30 am nang biglang pasukin ng tatlong armadong suspek at pinagbabaril ang biktima.

( ROMMEL SALES )