OFWs ligtas pa sa Zika — DoH
NANANATILING ligtas sa Zika virus ang mga kababayan natin sa Singapore.
Ito ang iniulat ni Health Sec. Paulyn Jean Rosell-Ubial, kasunod nang naitatalang mga kaso ng naturang sakit sa Singapore sa nakalipas na mga araw.
Giit ni Ubial, tuloy-tuloy ang kanilang pakikipag-ugnayan sa mga opisyal ng embahada roon, bukod sa regular na komunikasyon sa kanilang counterpart sa nasabing bansa.
Pinayuhan ng opisyal ang mga kababayan nating nagbabalik-bansa na maging responsable sa pagtatala nang naging biyahe at kung nagkaroon ng ano mang karamdaman, para matiyak na hindi makapaghahatid ng sakit sa kanyang pamilya.
