PATAY ang isang acting barangay chairman nang makipagbarilan sa mga pulis na lumusob sa isang bahay sa bisa ng search warrant sa Caloocan City kahapon ng madaling araw.
Agad binawian ng buhay si Nelson Nazareno, acting chairman ng Brgy. 139 sa nasabing lungsod, makaraan lumaban sa mga pulis na sumalakay dakong 3:30 am sa 32 Bagong Barrio ng nasabing lungsod, sa bisa ng warrant of arrest laban kina Nazareno at Jefferson Medina.
Wala sa lugar si Medina ngunit naaresto ang isang nagngangalang si Felix Rambonanza alyas Jun Rambo, miyembro ng Commando Gang, at nakompiskahan ng dalawang plastic sachet ng shabu.
Si Nazareno ay kabilang sa drug watchlist at itinuturing na high value target ng pulisya.
( ROMMEL SALES )
