Tuesday , July 16 2024

20 kaso laban sa Espinosa drug group isinampa na

TACLOBAN CITY – Aabot sa 20 kaso ang isinampa kahapon sa korte laban sa pamilyang Espinosa kabilang ang alkalde ng Albuera, Leyte na si Mayor Rolando Espinosa at ang anak niyang itinuturong top drug lord sa Eastern Visayas na si Kerwin Espinosa.

Kabilang sa isinampang mga kaso ay kaugnay sa ilegal na droga makaraan makuha ang hinihinalang shabu sa bahay ni Mayor Espinosa, gayondin ang kasong may kinalaman sa illegal possession of firearms.

Bukod dito, nahaharap sa 4 counts ng murder ang pamilya Espinosa dahil sa sinasabing pagpatay sa retiradong pulis at konsehal ng Albuera noong May elections at marami pang iba.

Pinag-aaralan kung ano ang puwedeng maisampang kaso sa napatay na anim na tauhan ng mga Espinosa sa enkwentro noong Agosto 3.

Resolusyon ng korte ang hinihintay para sa nasabing kaso.

Una rito, sinabi ni Mayor Rolando Espinosa, hindi niya tatakbuhan ang kasong posibleng kaharapin at mananatili sa tanggapan ng Albuera police station.

Nilinaw ni Chief Insp. Jovie Espenido, hepe ng Albuera PNP, hindi nakakulong ang nasabing alkalde sa kanilang tanggapan kundi nasa ilalim ng police protection costudy.

About hataw tabloid

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …

Leave a Reply

Your email address will not be published. Required fields are marked *