TULOY ang election preparation ng Comelec sa kabila nang namumuong pagliban sa Barangay at Sangguniang Kabataan (SK) elections.
Ayon kay Comelec Chairman Andres Bautista, nag-iimprenta pa ng mga balota sa National Printing Office (NPO) at inaasahang tatagal ito ng dalawang buwan.
Aabot sa 85 milyon ang kailangang ilimbag para sa 80 probinsya at mga lungsod sa ating bansa.
Giit ni Bautista, hindi masasayang ang printed ballots dahil magagamit ito kung sa susunod na taon ang magiging eleksyon.
Gagamitin din anila ng poll body ang dagdag na panahon para makapaghanda kung maisasapinal ang election postponement.
