TULUYAN nang binawian ng buhay kamakalawa ang isang security guard na malubhang nasugatan nang tamaan ng bakal sa ulo sa kasagsagan nang pananalasa ng buhawi sa lungsod ng Maynila nitong Linggo ng hapon.
Sa ulat ni Supt. Santiago Pascual III, station commander ng Manila Police District (MPD) – Station 3, dakong 4:30 pm nitong Martes nang ideklarang patay ng mga doctor ng Jose Reyes Memorial Medical Center ang biktimang si Elmer Quimno, 40, security guard, at residente ng Guzman Dormitory, sa Z. P. de Guzman St., Quiapo, Maynila.
Magugunitang nasa rooftop ng dormitory ang biktima nang dumaan ang buhawi dakong 4:40 pm nitong Linggo, Agosto 14. Pagkaraan, isang bakal na natangay ng buhawi ang tumama sa ulo ng biktima. Isinugod sa pagamutan ang biktima upang lunasan ngunit binawian ng buhay makalipas ang dalawang araw dahil sa severe traumatic brain injury.
( LEONARD BASILIO )
