PATAY ang isang babaeng hotel-casino staff makaraan barilin ng hinihinalang holdaper na sakay ng motorsiklo at tinangay ang kanyang bag kahapon sa Makati City.
Agad binawian ng buhay ang biktimang si Maria Remedios Padrano, 31, roller staff sa Solaire Hotel, ng 27-G Lapu-Lapu St., Brgy. West Rembo ng naturang lungsod.
Base sa imbestigasyon ni PO3 Ronaldo Villaranda, ng Homicide Section ng Makati City Police, naganap ang insidente sa Lapu-Lapu St., Brgy. West Rembo dakong 5:15 am kahapon.
Papasok sana sa kanyang trabaho si Padrana nang sumulpot ang isang lalaking lulan ng motorsiklong walang plaka at siya ay binaril sa ulo. Pagkaraan ay kinuha ng suspek ang bag ng biktima.
( JAJA GARCIA )
