HINIHINALANG love triangle ang motibo sa pagpatay sa isang 42-anyos lalaking miyembro ng Sigue- sigue Commando na pinagbabaril ng riding in tandem sa Tondo, Maynila kamakalawa.
Agad binawian ng buhay ang biktimang si Hasan Husen Sarip, jobless, ng 2184 Batangas Street, Tondo.
Sa imbestigasyon ni PO3 Bernardo Cayabyab ng Manila Police District Homicide Section, dakong 2:15 pm nang maganap ang insidente sa 1119 Old Antipolo St. kanto ng Laguna Ext., Tondo.
Nakatambay ang biktima sa nasabing lugar nang biglang sumulpot ang riding in tandem at pinaputukan si Sarip.
Sa nakalap ng impormasyon ng pulisya, ang posibleng motibo ay love triangle na nauugnay rin sa serye ng bentahan ng droga sa naturang lugar.
( LEONARD BASILIO, may kasamang ulat nina Kimbee Yabut at Joana Cruz )
