PATAY ang tatlong drug suspect sa buy-bust operation sa Brgy. San Agustin, Trece Martires, Cavite nitong Martes ng gabi.
Kabilang sa mga suspek na napatay si Jose Basarte, alyas Bochie, sinasabing notoryus na drug pusher sa lugar.
Ayon sa pulisya, si Basarte at dalawa niyang kasama ay nahuli sa loob ng bahay na nagsisilbing drug den.
Sinabi ni Supt. Egbert Tiba-yan, chief of police of Trece Martires, tinangkang lumaban ng mga suspek sa nasabing buy-bust operation kaya binaril ng mga pulis.
Gayonman, sinabi ng misis ni Basarte, hindi lumaban ang mga suspek.
Aniya, sa nasabing operas-yon, pinadapa sila sa sahig ng mga pulis.
Pagkaraan ay hinablot siya palabas ng isang hindi naman aniya pulis. Kasunod aniya noon ay narinig niya ang ilang mga putok ng baril.
