Maynilad spends P130M for Parañaque pipe replacement West Zone concessionaire Maynilad Water Services, Inc. (Maynilad) is spending some P130 million to replace 18 kilometers of old, leaking pipes along West Service Road, from SM Bicutan to Sucat Road, in Parañaque City.Once completed by the end of June, the pipe replacement project will increase water pressure from the current 10 pounds per square inch (psi) to 16 psi.

2 laborer nalunod sa Maynilad project

Rommel Sales August 10, 2016 News

NALUNOD ang dalawang laborer sa malalim na kanal na pinaniniwalaang Maynilad project sa Malabon City kamakalawa ng umaga.

Kinilala ang mga biktimang sina Regie Nicart, 23, stay-in sa Jagon Build Corporation sa Borromeo St., Brgy. Longos, at Jimmy Selmaro, dating construction worker sa Maynilad project.

Sa imbestigasyon nina PO3 Alexander Dela Cruz at PO1 Joenel Claro, dakong 11:00 am nang makita ang wala nang buhay na katawan ng mga biktima sa ilalim ng drainage sa kahabaan ng Borromeo St.

Nauna rito, huling nakitang buhay si Nicart dakong 7:00 pm ng Agosto 7, ng foreman ng Jagon Build Corp. na si Willy Penes habang nag-iinspeksiyon ng mga gamit sa konstruksiyon.

Kinaumagahan dakong 8:00 am, hindi na napansin ng kanyang mga kasamahan si Nicart kaya hinanap siya ngunit hindi makita hanggang sinubukang lumangoy ng isang Jesus Belen sa drainage canal sa naturang lugar.

Sa ilalim ng tubig ay nakita ni Belen ang katawan ng mga biktima kaya agad ipinaalam sa mga construction worker ng Jagon Build Corp.

Mabilis nilang iniahon ang bangkay ng dalawa at agad ipinaalam sa mga awtoridad ang insidente.

Sa pagsisisayat ng mga tauhan ng Scene of the Crime Operatives (SOCO), walang nakitang palatandaan na biktima ng karahasan ang dalawa. Hinala ng pulisya, posibleng kapwa nalunod ang mga biktima sa naturang drainage canal.

Nakatakdang isailalim sa awtopsy examination ang bangkay ng mga biktima upang matukoy ang tunay na dahilan ng kanilang pagkamatay.

( ROMMEL SALES )