Sunday , June 16 2024

Goldberg bakla! — Duterte

HINDI makalimutan at hindi pinalampas ni Pangulong Rodrigo Duterte ang naging pahayag noong panahon ng kampanya ni US Ambassador to the Philippines Philip Goldberg.

Sa kanyang pagsasalita sa harapan ng mga sundalo kamakalawa ng gabi sa Cebu City, tahasang sinabi ni Pangulong Duterte na ‘bakla’ si Goldberg at nabubuwisit siya sa diplomat.

Ayon kay Duterte, nag-away sila ni Goldberg dahil sa pakikialam ng diplomat sa eleksiyon sa Filipinas.

Inihayag ni Duterte,  ipinarating niya kay US Secretary of State John Kerry ang kanyang pagkadesmaya kay Goldberg na matatapos ang “tour of duty” sa Filipinas sa Oktubre.

Magugunitang binatikos ni Goldberg si Duterte nang magbiro ang pangulo na siya dapat ang unang nakatikim sa Australian missionary na ni-rape at pinatay sa Davao City, may ilang taon na ang nakararaan.

“Kaya nga sabi ko no’ng si Kerry, kasama kami ni Secretary, si Delfin (Lorenzana), kausap namin si (U.S. Secretary of State John) Kerry. Okay naman siya kasi, nag-away kami ng ambassador niya (Philip Goldberg). ‘Yung ambassador niyang bakla, p*****i**, buwisit ako diyan. Nakikisali doon sa election, giving [a] statement. You’re not supposed to do that,” ani Pangulong Duterte.

PALASYO DESMAYADO KAY TRUMP

UMALMA ang Palasyo sa pahayag ni Republican presidential bet Donald Trump na panganib ang mga migranteng Filipino sa Amerika at ang Filipinas ay isa sa mga bansang pinagmumulan ng mga terorista sa mundo.

Sinabi ni Communications Secretary Martin Andanar kahapon, desmayado ang administrasyong Duterte sa naturang pahayag ni Trump dahil minsang sinabi ng presidential bet na mahal niya ang Filipinas at espesyal na lugar ang bansa lalo na’t dito niya inilagak ang major real estate investment ng kanyang kompanya.

Nang ilunsad aniya ang 57-storey luxury apartment ni Trump sa Makati City noong 2012 ay todo ang litanya ng Republican presidential bet kung gaano niya kamahal ang Filipinas.

“In fact, Mr. Trump has even professed his love for the Philippines during the launch of his 57-storey luxury apartment in Makati. He did say, ‘I’ve always loved the Philippines. I think it is just a special place and Manila is one of Asia’s most spectacular cities.  I know that this project (Trump Tower) will be second to none,” ani Andanar.

Sa kanyang talumpati sa Portland, Maine kamakalawa, binanggit ni Trump na sa Filipinas kasama ang Morocco, Afghanistan, Iraq, Pakistan, Somalia, Syria, Uzbekistan at Yemen nagmula ang mga migranteng sabit sa terorismo na nagbibigay ng panganib sa US.

( ROSE NOVENARIO )

About Rose Novenario

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *