Wednesday , June 19 2024

Palaisdaan ng malalaking korporasyon ipinabubuwag ni Digong (Sa Laguna de Bay)

IPABUBUWAG ni Pangulong Rodrigo Duterte ang mga palaisdaan ng pagmamay-ari ng malalaking korporasyon at mayayamang negosyante na umookupa sa malaking bahagi ng Laguna de Bay.

Sa kanyang talumpati sa courtesy call ng volunteers ng Parish Pastoral Council for Responsible Voting (PPCRV) sa Palasyo kamakalawa ng gabi, sinabi ni Pangulong Duterte, tuwing nagbibiyahe siya sakay ng chopper o eroplano ay nakikita niya mula sa himpapawid na nahati na sa malalaking bahagi ang Lawa ng Laguna.

Nangangahulugan aniya ito na ang malilit na mangingisda ay wala nang puwesto sa lawa, at monopolyado na ito ng malalaking korporasyon.

“Iyang Laguna de Bay, whenever I look down there. I’m sorry if you have one there, ‘yung mga triangulo. Wala ka nang makitang ano… The only spaces, ‘yung isang  triangulo dito, the small one is just to divide maybe the one on the right or on the left. Ang mga fishermen diyan wala na,” aniya.

Balak ni Pangulong Duterte na ipabaklas sa susunod na mga araw ang corporate at private fishpen upang mapakinabangan ng maliliit na mamamalakaya ang Lawa ng Laguna.

Nabatid sa Pambansang Lakas ng Kilusang Mamamalakaya ng Pilipinas (PAMALAKAYA), halos 60 porisyento ng 94-ektaryang lawa ay ipinaupa ng Laguna Lake Development Authority (LLDA) sa malalaking korporasyon sa pamamagitan ng Fishpond Lease Agreement (FLA)

Anang PAMALAKAYA, paglabag ito sa batas na nagtatakda na 10% lang ang puwedeng okupahin ng pribadong sektor.

( ROSE NOVENARIO )

About Rose Novenario

Check Also

blind item

Male starlet nagbanta kung walang project goodbye produ na

ni Ed de Leon INAMIN ng isang male starlet na ginawa niya ang lahat ng ipinagawa sa …

Navotas tumanggap ng 145 bagong athletic scholars

Navotas tumanggap ng 145 bagong athletic scholars

NAG-ALOK ang pamahalaang lungsod ng Navotas ng scholarship sa 145 Navoteño elementary at high school …

TiboQC Federation Pride March QC Joy Belmonte

300 miyembro ng TiboQC lalahok sa Pride Month

MAHIGIT 300 miyembro ng TiboQC Federation ang inaasahang lalahok sa Pride March sa lungsod sa …

Lunod, Drown

Naligo sa ulan 
8-ANYOS TOTOY PATAY SA CREEK

WALA NANG BUHAY nang matagpuan ng mga rescuer ang katawan ng isang batang lalaki na …

dead gun police

Mangingisda patay sa pamamaril

PATAY ang isang mangingisda matapos pagbabarilin ng hindi pa nakikilalang salarin sa bahagi ng karagatan …

Leave a Reply

Your email address will not be published. Required fields are marked *