Thursday , July 7 2022

Mayor Espinosa sumuko na (Anak ‘at large’)

080316_FRONT

SUMUKO na sa mga awtoridad si Albuera, Leyte Mayor Rolando Espinosa Sr., makaraan ang “24-hour shoot on sight ultimatum” na ipinalabas laban sa kanya ni Pangulong Rodrigo Duterte.

Gayonman, nananatiling ‘at large’ ang anak ng mayor na si Kerwin na tulad niya ay isinangkot din sa drug trafficking at coddling ng pulisya.

“Mayor Espinosa has surrendered and now under custody of Gen de la Rosa. The son, Erwin, is still at large,” ani Presidential Spokesman Ernesto Abella kahapon dakong 11:00 am.

Ayon kay Abella, si Mayor Espinosa ay nasa kostudiya ngayon ni Philippine National Police Chief Director General Ronald dela Rosa.

Walang dagdag na detalyeng ibinigay si Abella hinggil sa pagsuko ni Espinosa.

Matatandaan, nitong nakalipas na linggo ay naaresto ang dalawang bodyguard at tatlong empleyado ng mayor nang makompiskahan ng P1.9 milyong halaga ng shabu sa tennis court na pag-aari ng mga Espinosa.

ni ROSE NOVENARIO

080316 bato espinosa
BOLUNTARYONG sumuko si Albuera, Leyte Mayor Rolando Espinosa Sr., kay PNP chief, Director General Ronaldo Dela Rosa makaraan iutos ni Pangulong Rodrigo Duterte sa alkalde ang pagsuko o harapin ang “shoot-on-sight” order, habang at large pa ang kanyang anak na si Kerwin. ( ALEX MENDOZA )

Ultimatum sa anak ni Mayor Espinosa
SURRENDER OR DIE — GEN. BATO

“KERWIN, you better surrender or die.”

Ito ang babala ni PNP chief, Director General Ronald “Bato” dela Rosa sa anak ni Albuera, Leyte Mayor Rolando Espinosa Sr., para sumuko sa mga awtoridad makaraan aminin na ang kanyang anak ay isang drug lord.

Sa kanyang pagsasalita sa press conference, sinabi ni Dela Rosa, ang alkalde ay bumiyahe mula sa Leyte patungo sa Camp Crame at sumuko sa kanya dakong 4:00 am makaraan iutos ni Pangulong Rodrigo Duterte ang pagsuko o harapin ang “shoot-on-sight” order.

Aniya, inamin ng mayor na siya ay protektor ng drug lord sa Eastern Visayas, na walang iba kundi ang kanyang sariling anak na si Kerwin.

Pahayag ng alkalde, ang pinagkukunan ng droga ni Kerwin ay isang nagngangalang Peter Co, at ang droga ay mula sa prison facility sa Abuyog, Leyte.

“He admitted what his son is doing pero hindi niya makontrol ang kanyang anak. We will ask CIDG [Criminal Investigation and Detection Group] to investigate it… he admitted his son is into drug dealing,” ayon kay Dela Rosa.

“All we know is he is a drug lord and if he fights the police, he will die.”

Pagkaraan ay nagbabala si Dela Rosa sa anak ng mayor:

“Kung nakikinig si Kerwin, your father has already surrendered. You should follow your father. Pag hindi ka nag-surrender, mamamatay ka talaga. Mabuti pa na mag-surrender.

“Kung hindi siya manlaban, buhay siya. Kung manlaban siya, I will presume he is armed and dangerous according to reports and he will be shot.”

Samantala, sinabi ni Dela Rosa, nakatanggap ng impormasyon ang PNP na ang nakababatang Espinosa ay maaaring nakaalis na ng bansa patungo sa Singapore o Malaysia.

Sumailalim na rin aniya si Kerwin sa plastic surgery, ayon sa pahayag ng mayor.

About Rose Novenario

Check Also

Ambeth Ocampo Ella Cruz

Pinoy historian umentra sa pasabog ni Ella

HATAWANni Ed de Leon ANG lakas ng tawa namin nang makita sa isang social media …

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

Leave a Reply