Friday , March 29 2024

Intelektuwalisasyon ng wikang Filipino isinusulong ng KWF

ISINUSULONG ng Komisyon sa Wikang Filipino (KWF) ang paggamit ng wikang Filipino sa trabaho, media, at pagtuturo ng mga asignatura sa eskuwelahan.

Sa pagbubukas ng Buwan ng Wika sa tanggapan ng KWF sa Palasyo ng Malacañan kahapon, binigyang-diin ni Dr. Benjamin Mendillo, puno ng Sangay ng Salin at Publikasyon ng KWF, ang pagpasok ng Filipino sa sistema ng edukasyon bilang midyum nito.

Sa Pambansang Kongreso 2016 na gaganapin sa siyudad ng Baguio, tatalakayin ang mga layunin at benepisyo ng intelektuwalisasyon ng wika.

Ilan sa mga layunin ng Pambansang Kongreso ay “magamit na midyum ng pa gtuturo ang Filipino sa pagpapayaman ng nilalaman ng implementasyon ng K-12 curriculum” at mahikayat ang mga guro na gamitin ang wika.

Pag-aalala ng ilang journo sa press con, maaari raw humina ang abilidad ng mga estudyante sa Ingles kapag naipatupad ang paggamit ng Filipino bilang midyum ng pagturo.

Ani Purificacion Delima, komisyoner ng KWF, ayon sa pananaliksik ay mas dadali ang pagkatuto ng bata sa ibang wika kung bihasa siya sa kanyang native language.

“Ang pagtaas ng Filipino ay hindi nangangahulugang pagbaba ng Ingles,” depensa ni Delima.

Sa kasalukuyan, may mga gurong purong Filipino ang ginagamit sa pagtuturo, ayon kay Mendillo.

Isang Dr. Pacheco ang gumagamit ng pambansang wika sa kanyang asignaturang matematika.

Ang mga terminolohiyang tulad ng “san,” “cos,” at “tangent” ay nabigyan niya ng katumbas sa Filipino.

Ganoon ang gustong ipalaganap ni Mendillo. Aniya, magtatalaga ng istandard na translasyon sa Filipino sa mga teknikal na salita sa matematika, agham, at engineering na gagamitin saan mang sulok ng bansa.

Malakas ang paniniwala ng komisyon na maipapanalo nila ang kanilang laban.

Gaganapin ang Pambansang Kongreso 2016 sa Agosto 3-5 sa Baguio City.

( JOANA CRUZ )

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *