Saturday , July 2 2022

Ultimatum vs CPP-NPA banta ni Duterte (CAFGU inambus)

NAGBABALA si Pangulong Rodrigo Duterte na babawiin ang idineklarang unilateral ceasefire sa Communist Party of  the Philippines-New People’s Army-National Democratic Front of the Philippines (CPP-NPA-NDFP) kapag hindi nagpaliwanag kaugnay sa pananambang sa convoy ng Civilian Armed Forces Geographical Unit (CAFGU) militiamen sa Davao del Norte.

“Are we into this truce or not? Kapag wala, tatanggalin ko. I am demanding an explanation sa NPA. Mag-aantay ako hanggang ngayong gabi,” sabi ni Duterte sa kanyang talumpati sa harap ng mga sundalo sa Camp Nakar, Lucena City, Quezon kahapon.

Isang miyembro ng CAFGU ang namatay at apat iba pa ang malubhang nasugatan nang tambangan ng mga rebeldeng NPA ang kanilang convoy sa Brgy. Gupitan, Kapalong, Davao del Norte kamakalawa.

Naganap ang ambush dalawang araw makaraan ideklara ni Duterte ang tigil-putukan sa kanyang State of the Nation Address (SONA) at isang araw makalipas suspendihin ng militar at pulisya ang opensibang operasyon laban sa NPA.

Iginiit ni Duterte, nais niyang parusahan o panagutin ng liderato ng NPA ang mga responsible sa ambush gaya nang ginagawa ng militar sa nagkasala nilang mga tauhan. Matatandaan, inihayag ni CPP founding chairman Jose Ma. Sison, ang unilateral ceasefire declaration ni Pangulong Duterte ay dapat nakaugnay sa amnesty sa lahat ng political prisoners at pag-alis ng tropang militar sa mga lugar ng mga Lumad at mga komunidad na impluwensiyado ng NPA.

Kamakalawa ay tiniyak ni Duterte na bibigyan ng safe conduct pass si Sison at iba pang matataas na opisyal ng CPP-NPA-NDFP na lalahok sa peace talks sa Oslo, Norway sa Agosto 20-27.

( ROSE NOVENARIO )

About Rose Novenario

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply