HATAW! D'yaryo ng Bayan hatawtabloid.com
ANIM kalalakihang hinihinalang biktima ng summary killings ang natagpuan sa magkakahiwalay na lugar sa Pasay City kahapon ng madaling-araw.
Kinilala ang dalawa sa anim na sina Jethro Sosa, alyas Jet-Jet, 27, at Patrick Martinez, may mga tama ng bala ng baril sa katawan.
Habang ang tatlong biktima ay kinilalang sina alyas Toto, alyas Reggie, alyas Boy Silva, at isang hindi pa nakikilala.
Ang mga biktima ay hinihinalang mga sangkot sa droga batay sa iniwang karatula sa tabi ng kanilang bangkay.
( JAJA GARCIA )
DATING DRUG PUSHER UTAS SA TANDEM
PATAY ang isang dating tulak at user ng droga makaraan pagbabarilin ng riding-in-tandem sa Quezon City nitong Miyerkoles ng madaling-araw.
Samantala, napaslang din ang isang hinihinalang tulak ng droga sa Caloocan City makaraan manlaban sa mga pulis.
Kinilala ang suspek na si Renato Austria alyas Tisoy, 30, residente ng Phase 1, Package 2, Block 3, Lot 8, Brgy. 176, Bagong Silang ng nasabing.
Ayon kay Sr. Supt. Johnson Almazan, hepe ng Caloocan City Police, naganap ang insidente dakong 4:15 pm sa harapan ng bahay ng suspek.
( ROMMEL SALES )
2 SANGKOT SA DROGA ITINUMBA SA NAVOTAS
DALAWANG lalaking sinasabing sangkot sa pagbebenta ng ilegal na droga ang pinatay ng hinihinalang vigilante group kahapon ng madaling-araw sa Navotas City.
Dakong 3:50 am nang matagpuan ang unang bangkay na nakabalot sa duct tape ang mukha sa loob ng Navotas City Cemetery sa Brgy. San Jose ng nasabing lungsod.
Habang 5:00 am nang matagpuan ang bangkay ng ikalawang biktima sa C-3 Road, Brgy. North Bay Blvd. South.
( ROMMEL SALES )
TULAK PATAY SA BUY-BUST SA MAYNILA
PATAY ang isang 43-anyos hinihinalang drug pusher makaraan lumaban sa mga awtoridad sa buy-bust operation sa Pandacan, Maynila kahapon ng madaling-araw.
Agad binawian ng buhay ang suspek na si Bener Densing alyas Toyo, ng 1310 Burgos Street, Paco, Maynila.
Ayon sa ulat ni PO3 Marlon San Pedro, dakong 12:05 am nang maganap ang insidente sa loob ng bahay ng biktima.
( LEONARD BASILIO, may kasamang ulat nina Kimbee Yabut at Joana Cruz )
