HATAW! D'yaryo ng Bayan hatawtabloid.com
CEBU CITY – Hawak na ng Philippine Drug Enforcement Agency (PDEA)-7 ang pangalan ng ilang mga personalidad na naging kontak ng babaeng Chinese na nahuli sa Mactan Cebu International Airport na may dalang P6 milyong halaga ng shabu.
Ayon kay PDEA-7 information officer Lea Alviar, may ilang Filipino at ilang Chinese sa Cebu ang babagsakan ng nasabing droga.
Ngunit nakiusap si Alviar na hindi muna ibunyag ang mga pangalang nasa kanilang listahan.
Napag-alaman, maglalabas ng commitment order ang korte para ilipat sa Lapu-Lapu City jail si Liming Zhou.
Kamakalawa ay isinailalim na sa inquest proceedings ang naturang suspek.
