Tuesday , June 25 2024
robbery holdap holdap

Dentista utas sa holdaper

BINARIL at napatay ang isang lalaking dentista ng dalawang holdaper na nagpanggap na pasyente sa loob ng kanyang klinika sa Makati City kahapon ng tanghali.

Binawian ng buhay habang nilalapatan ng lunas sa Makati Medical Center (MMC) ang biktimang si Dr. Antonio Limos, 59, dahil sa ilang tama ng bala sa iba’t ibang bahagi ng katawan.

Tinitingnan ng mga awtoridad ang CCTV sa lugar upang makilala ang mga suspek.

Base sa inisyal na ulat nina SPO3 Noel Pardinas at SPO2 Rico Caramat ng Homicide Section ng Makati Police, nangyari ang insidente sa loob ng dental clinic ng biktima dakong 12:30 nn sa 9689 Saint Paul St. kanto ng Kamagong Sts., Brgy. San Antonio Village, ng nasabing siyudad.

Dumating sa klinika ang dalawang suspek na lulan ng isang black and white Mio motorcycle na walang plaka at nagpanggap na mga pasyente.

Pagkapasok ay agad nag-anunsiyo ng holdap ang mga suspek at biglang binaril si Limos na inakalang lalaban.

Makaraan makuha ang IPhone 6 at wallet ng isa sa mga pasyente ng biktima ay agad tumakas ang mga suspek.

Dinala ng tricycle driver na si Erickson Anceran ang biktima sa nabanggit na pagamutan ngunit nalagutan ng hininga habang nilalapatan ng lunas.

Magugunitang noong Hulyo 6, hinoldap at pinatay rin ng riding-in-tandem suspects ang dentista na si Dra. Racquel Magsilan, 38, sa loob ng kanyang klinika sa 9547 Kalayaan Avenue, Brgy. Guadalupe Nuevo sa lungsod.

( JAJA GARCIA )

About Jaja Garcia

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *