Tuesday , July 16 2024

GMA pinalaya sa botong 11-4 (Inabsuwelto ng SC)

072016_FRONT

IPINOPROSESO na ang release order ni dating Pangulong Gloria Macapagal-Arroyo mula sa hospital arrest sa Veterans Memorial Medical Center (VMMC) sa Quezon City.

Ito ang kinompirma ni Atty. Raul Lambino, makaraan paboran ng Supreme Court (SC) ang kahilingan nilang pagbasura sa kinakaharap na plunder case dahil sa PCSO fund scam.

Ayon kay Lambino, 11-4 ang naging boto ng mga mahistrado, pabor kay Arroyo, dahil sa kanilang inilahad na mga argumento.

Giit ng tagapagsalita ng dating pangulo, mula sa simula ay walang matibay na ebidensiya sa kaso kaya marapat lamang na palayain ang nasasakdal.

Kabilang sa mga pumabor sa pagbasura ng kaso ni Arroyo sina Justice Presbitero Velasco Jr., Justice Teresita de Castro, Justice Arturo Brion, Justice Diosdado Peralta, Justice Lucas Bersamin, Justice Mariano del Castillo, Justice Jose Perez, Justice Jose Mendoza, Justice Bienvenido Reyes, Justice Estela Perlas-Bernabe, at Justice Francis Jardeleza

Habang ang mga tumutol ay sina Chief Justice Maria Lourdes Sereno, Senior Associate Justice Antonio Carpio, Justice Marvic Leonen, at Justice Benjamin Caguioa.

SC INIRERESPETO NG PALASYO

072016 supreme court GMA
IGINAGALANG ng Malacañang ang desisyon ng Korte Suprema na nagbabasura sa plunder case ni dating Pangulo at Pampanga Rep. Gloria Macapagal-Arroyo kaugnay sa P366 milyon Philippine Charity Sweepstakes Office (PCSO) funds.

Ayon kay Communications Secretary Martin Andanar, nagsalita na ang High Tribunal kaugnay sa plunder case ni Arroyo kaya dapat irespeto ito.

“The Supreme Court has spoken. The Supreme Court, voting 11-4, acquitted former President and now Pampanga Representative Gloria Macapagal Arroyo in connection with charges that she misused funds of the Philippine Charity Sweepstakes Office (PCSO). Let us respect and abide by the High Court’s decision,” wika ni Andanar.

Ibinasura ng mga mahistrado sa botong 11-4 ang plunder case ni Arroyo kaugnay sa sinasabing pakikipagsabwatan sa matataas na opisyal ng PCSO para lustayin ang pondo ng ahensiya.

Halos apat na taon nang naka-hospital arrest si Arroyo sa Veterans Memorial Medical Center (VMMC) mula noong Oktober 2012.

Naghain ng petisyon ang kampo ni Arroyo sa Korte Suprema para sa ‘ demurrer to evedince’ at ang pagbabasura sa kasong plunder na isinampa laban sa dating chief executive.

Mula nang kasuhan ng plunder ng administrasyong Aquino si Arroyo, ni minsan ay hindi nagkaroon ng pagdinig ang kaso samantala ang sinasabing mga kasabwat o kapwa akusado niya ay matagal nang  pinayagang magpiyansa ng Sandiganbayan.

Naniniwala si Presidential Peace Process Adviser Jesus Dureza na naigawad na ang hustisya kay Arroyo.

“Justice has been served. We talk on the phone on my way here. I congratulated here. I am so elated,” ani Dureza na nagsilbing Press secretary sa administrasyong Arroyo.

( ROSE NOVENARIO )

About Rose Novenario

Check Also

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

Francis Tolentino

Sakripisyo, galing, at husay ng Pinoy nurses kinilala
Tolentino tiniyak PH Nursing Act of 2022 mahigpit na tututukan

PINURI ni Senate Majority Leader Francis Tolentino ang sakripisyo ng mga Pinoy nurses hindi lamang …

Bongbong Marcos Francis Tolentino

Tulong sa mga magsasaka at mangingisda sa Calabarzon Region sa pamamagitan ng TUPAD program ikinasa

MAHIGIT sa 12,000 mangingisda at magsasaka mula sa lalawigan ng Cavite at Rizal ang nabigyan …

First Lady Liza Araneta-Marcos Pasig River Esplanade

Pasig River Esplanade pasyalang paraiso sa Pasig River –  First Lady

NAGBIGAY ng buong suporta si First Lady Liza Araneta-Marcos para mapadali ang ginagawang Pasig River …

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

Leave a Reply

Your email address will not be published. Required fields are marked *