Saturday , February 15 2025
dead gun

3 holdaper/karnaper todas sa shootout

PATAY ang tatlong hinihinalang holdaper/karnaper nang makipagbarilan sa mga operatiba ng Quezon City Police District (QCPD) makaraan holdapin ang isang taxi driver at tangayin ang ipinapasadang taxi kahapon ng madaling araw sa nasabing lungsod.

Sa ulat kay QCPD director, Supt. Guillermo Lorenzo T. Eleazar, dakong 2:30 am nang maka-enkwentro ng kanyang mga tauhan sa District Special Operation Unit (DSOU) na pinamumunuan ni Supt. Roghart Campom, ang mga suspek sa Batasan-San Mateo Road, Brgy. Batasam Hills, ng lungsod.

Samantala, patuloy na inaalam ng mga operatiba ang pagkakilanlan ng tatlong napatay noon din sa pinangyarihan ng shootout.

Ayon kay Campo, dakong 1:30 am sumakay sa ipinapasadang taxi ni Danilo Saring, 59, ng Kiko, Camarin Area D, Pechayan Sabac St., Caloocan, sa area ng Philcoa at nagpapahatid sa Don Antonio, Quezon City.

Ngunit habang binabaybay ang Commonwealth Avenue patungong Don Antonio, nagdeklara ng holdap ang tatlo na pawang armado ng baril.

Tinalian ang dalawa kamay ni Saring at saka ibinaba sa Commonwealth habang isa sa mga suspek ang nagmaneho at tinangay ang EMP Taxi, maging ang kita ng driver.

Makalipas ang ilang minuto, nakita nang nagpapatrolyang operatiba ng DSOU si Saring at kanilang tinulungan.

Agad nagsagawa ng follow-up operation ang mga operatiba hanggang maispatan ang taxi sa Batasan-San Mateo Road.

Imbes sumuko, nakipagbarilan sa mga operatiba ang mga suspek na nagresulta sa kanilang kamatayan.

( ALMAR DANGUILAN )

About Almar Danguilan

Check Also

Taxi

Sa Caloocan  
Taxi driver hinoldap magpinsan timbog

ARESTADO ang dalawang lalaki matapos holdapin ang isang taxi driver sa Bagong Barrio, sa lungsod …

021425 Hataw Frontpage

14-anyos ginapang ng erpat ng nobyo ex-future biyenan kalaboso

HATAW News Team DINAKIP ng mga awtoridad ang isang 39-anyos lalaki matapos akusahan ng panggagahasa …

House Fire

Warehouse sa Marikina tinupok ng apoy

TINUPOK ng malaking apoy ang isang warehouse sa Brgy. Malanday, sa lungsod ng Marikina, nitong …

Dead Road Accident

Nasagasaan ng truck matapos mabunggo ng MPV Laborer patay sa Antipolo

NAMATAY noon din ang isang 35-anyos construction worker matapos mabangga ng isang multi-purpose vehicle (MPV) …

marijuana

2.25 kilo ng damo kompiskado, 2 suspek nakasibat

TINATAYANG mahigit sa dalawang kilong pinatuyong dahon ng marijuana ang nakompiska ng mga awtoridad sa …

Leave a Reply

Your email address will not be published. Required fields are marked *