Friday , June 14 2024
Bulabugin ni Jerry Yap
Bulabugin ni Jerry Yap

Matindi na ang away ng magtatay na Romero

KUNG dati ay sa korte nag-aaway ang mag-amang Reghis Romero at Mikee Romero, ngayon sa media na sila nag-aaway.

Talagang naglalabas ng pondo ang mag-ama para ipamukha sa isa’t isa na sila ang may-ari ng kompanyang pinag-aawayaan nila.

Ang siste, hindi na ito simpleng away-kompanya. Naglalabasan na ang mga nakatatakot na multo sa Pandora’s Box ng mag-amang Romero.

Kung ang mag-ama ay nabiyayaan ng pambihirang dunong sa pagnenegosyo, paano pa silang nagkakaroon ng panahon para sa pag-aaway?!

Wow! What a waste of time and energy.

Sayang, nakapanghihinayang talaga na umaabot na sila ngayon sa sumbatan.

071716 reghis Mikee romero

At maging ang mga istoryang matagal nilang pinagtakpan sa media at sa publiko ay naglalabasan na ngayon, at sa paid ad pa nilang mag-ama sa malalaking pahayagan.

Ang P25-milyon ransom sa Abu Sayyaf noong 2001, ang akusasyon sa Smokey Mountain Development and Reclamation Project, at iba pang eskandalo sa mga kompanyang pag-aari nila.

Lahat ngayon ‘yan ay naglalabasan sa advertorial sa malalaking pahayagan.

Tsk tsk tsk…

Akala natin noong araw, pag-ibig lang ang hinahamak ang lahat masunod lamang.

‘Yun pala mas mabagsik ang kuwarta na kayang sumira ng relasyon kahit ng mag-ama.

Kung hindi titigil ang mag-ama sa kanilang away, malamang gumuho rin ang lahat ng kanilang pinaghirapan.

DECONGESTION NG NAIA TERMINALS
INUMPISAHAN NA NI MIAA GM ED MONREAL

070316 miaa naia

DECONGESTION sa pamamagitan ng mabilis na pagpasok at paglabas ng mga pasahero sa Ninoy Aquino International Airport (NAIA) terminals ang solusyon ni bagong MIAA GM Ed Monreal para maging maaliwalas ang buong installation.

Una, maglalagay umano ng karagdagang upuan ang pamunuan ang Manila International Airport Authority (MIAA) para mabawasan ang mga pasaherong nakasalampak sa baldosa habang naghihintay ng pagbubukas ng check-in counters lalo sa Ninoy Aquino International Airport (NAIA) terminal 3.

Inutusan na ni GM Monreal si NAIA terminal 3 manager Ric Medalla na dagdagan at lagyan ng upuan o gang chairs ang naturang terminal upang maging komportable at makaupo nang maayos ang mga pasahero lalo ang senior citizens.

Matagal na nga namang idinaraing ng mga pasahero ang kakulangan sa upuan ng terminal kaya agad sinolusyonan ni GM Ed.

Mula rin sa araw na ito, Hulyo 18, papapasukin na rin sa apat na terminal ang lahat ng regular taxi. Basta’t susundin nila ang tamang lugar na babaan at sakayan ng pasahero.

Sa pamamagitan nga naman nito, hindi na kailangan pumila nang napakahaba ang mga pasaherong naghihintay ng taxi sa NAIA terminals.

Magiging mabilis na nga naman ang pagpasok at paglabas ng mga pasahero sa airport.

Tsk tsk tsk…

Sa loob ng anim na taon ay hindi napag-tuunan ng pansin ng dating namumuno sa MIAA ang karaingan ng mga pasahero kaya ‘yan agad ang inaksiyonan ni GM Monreal.

Kudos!

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sipat Mat Vicencio

Dapat lang sibakin si Migz

SIPATni Mat Vicencio WALANG ibang dapat na sisihin sa pagkakasibak ni Senator Juan Miguel “Migz” …

FIRING LINE ni Robert B. Roque, Jr.

General lie

FIRING LINEni Robert B. Roque, Jr. PINAKAWALAN sa Shangri-La Dialogue ng pinakamatataas na opisyal ng …

AKSYON AGAD ni Almar Danguilan

Pananakit ng grupong MANIBELA kay Gonzales, kinondena ng QCPDPC

AKSYON AGADni Almar Danguilan NAKALULUNGKOT ang balita o nangyari kahapon sa kapatid namin sa pamamahayag …

YANIG ni Bong Ramos

First class citizens sa PH

YANIGni Bong Ramos DARATING daw ang araw na ang mga ‘Intsik’ na ang mga first …

AKSYON AGAD ni Almar Danguilan

Ang pagkakaiba ni suspended Mayor Guo sa traditional politicians

AKSYON AGADni Almar Danguilan MARAHIL ‘balik farm’ muna si Bamban (Tarlac) Mayor Alice Guo. Ha!? …

Leave a Reply

Your email address will not be published. Required fields are marked *