Friday , March 29 2024
FIRING LINE ni Robert B. Roque, Jr.
FIRING LINE ni Robert B. Roque, Jr.

Giyera sa droga gumagrabe

LUBHANG gumagrabe ang giyera ng pulisya laban sa ipinagbaba-wal na droga.

Bukod sa sunod-sunod na may nahuhuling adik ay mahigit 100 na ang napapatay na tulak ng droga, na kung hindi lumaban umano sa pulis ay nang-agaw daw ng baril ng umaarestong opisyal.

Bunga nito ay daan-daang adik at tulak ng shabu ang sumuko sa pulisya, makaiwas lang na mapabilang sa mga napapaslang.

Pinaniniwalaang lumakas ang loob ng mga pulis dahil suportado sila ni President Rodrigo Duterte.

Pinagkatiwalaan si Digong at nanalo sa pagkapangulo dahil sa mga pangako niya, na ang isa ay aalisin ang krimen, droga at katiwalian sa loob ng tatlo hanggang anim na buwan.

Marami ang natutuwa dahil panahon na raw para ubusin ang mga tulak na nagsisilbing salot sa lipunan sa ginagawa nilang pagpapakalat ng bawal na droga.

Kahit ang Firing Line ay sumusuporta sa mga pulis na nagsisikap na lumaban sa ilegal na droga, kahit na malagay sa panganib ang sarili nilang buhay.

Ngunit ang pitak na ito at may di mabilang na tao ay naalarma sa walang tigil na pagpatay sa mga suspek sa droga. Labag ito sa Konstitus-yon na nagsasabing walang tao ang aalisan ng buhay, kalayaan o ari-arian nang hindi dumaraan sa tamang proseso ng batas. May mga balita na may mga nadadamay na mga inosenteng sibil-yan.

Pero naging grabe man ang giyera laban sa droga at may mga nagtatanong kung bakit wala umanong nahuhuling drug lord, at pawang maliliit na pusher lang ang nahuhuli at napapatay?

Kung ang mismong pinagmumulan ng droga ang mahuhuli ay matitigil ang pagpapakalat ng shabu, basta hihigpitan lang nang husto ang seguridad sa New Bilibid Prison (NBP).

May mga nagdududa tuloy na baka pina-patay lang ang maliliit na tulak upang patahimikin sa pagsisiwalat ng mga nalalaman, kung sino-sino sa mga tiwaling pulis ang sangkot sa ilegal na droga.

Hindi ba’t mismong si Duterte ang nagpahayag na may mga pulis na sangkot sa droga at pinangalanan pa ang limang heneral bilang protektor umano nito?

At ang ikinasasama pa ng loob ng iba ay kung bakit kapag mga kababayan natin na mahihirap at maliliit na tulak ng droga ang target ay namamatay raw sa operasyon?

Samantala kapag dayuhan tulad ng mga Taiwanese na nakatira sa exclusive villages umano ang nahulihan ng bilyon pisong halaga ng shabu, ni kurot ay hindi sila nasasalanta at buhay silang makararating sa kulungan.

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

FIRING LINE – Robert B. Roque, Jr.

About Robert B. Roque, Jr.

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *