Monday , February 17 2025

Marami pang bugok na pulis

MARAMI pang bugok na pulis ang sangkot sa ilegal na droga at iba’t ibang kagaguhan.

Sa ngayon ay mahigpit silang minamanmanan ni Pres. Rodrigo Duterte at ng mismong Philippine National Police (PNP) sa pamumuno ni Dir. Gen. Ronald “Bato” dela Rosa.

Tatanggalan sila ng maskara ng Pangulo sa tamang panahon.

Nauna lang ang pagbubunyag ni Duterte sa mga pangalan nina retired Dep. Dir. Gen. Marcelo Garbo Jr., retired Chief Supt. Vicente Loot, dating NCRPO Dir. Joel Pagdilao, at Chief Supts. Bernardo Diaz at Edgardo Tinio na sangkot umano sa bawal na droga.

Tahasang itinanggi ng limang opisyal na may kaugnayan sila sa droga at mali raw ang nakuhang impormasyon ng Pangulo. Gano’n pa man ay sisiyasatin ng National Police Commission at Dep’t of Interior and Local Government (DILG) ang mga alegasyon laban sa kanila.

Maaalalang nauna rito ay kung ilang ulit nagbabala si Duterte sa tatlong matataas na opisyal ng PNP na protektor daw ng ilegal na droga. Bagama’t hindi pinangalanan ni Digong ay pinayuhan niyang magbitiw na lang sila, at huwag nang hintaying mapahiya kapag ibinunyag niya kung sino-sino sila.

Pero hindi maitatanggi na ang lahat ay nagulat nang ilantad ni Duterte na sina Pagdilao, Diaz at Tinio pala ang tatlong aktibong heneral na kanyang tinukoy.

Sa totoo lang, ang pagkakaugnay ng mga pulis sa droga ay naging malinaw nang mahuli ng mga ahente ng National Bureau of Investigation (NBI) si PO2 Jolly Aliangan ng NCRPO-Regional Anti-Illegal Drugs Special Operations Task Force noong isang buwan.

Natiklo ang damuho sa loob ng kanyang bahay na magarbo at kompleto sa gamit.

Mantakin ninyong nakakompiska ang mga awtoridad ng maraming shabu at P7 milyon cash nang salakayin ang kanyang bahay. Sa madaling salita ay hindi basta-bastang gumagamit o nagtutulak ng shabu. Bigatin at malakihan kung makipagtransaksiyon.

Nauna nang sinabi ng mga awtoridad na mahigit 100 opisyal ng PNP at mga pinaghihinalaang drug lord ang kanilang na-monitor na madalas mag-usap kaugnay ng transaksiyon nila sa shabu na nagkakahalaga ng milyon-milyong piso.

May mga ranggong senior superintendent o superintendent ang madalas daw makipag-usap sa mga pusakal, na nagbebenta ng droga nang personal o sa pamamagitan ng cell phones.

Ang lahat ng paglilinis sa lipunan na ipatutupad ni Duterte ay ating sinusuportahan. Dahil isa siyang abogado na naging piskal at kinalaunan ay alkalde sa loob ng maraming taon ay tiyak na alam niya ang kanyang ginagawa.

Mabigat ang akusasyon ni Duterte sa limang pulis. Upang matigil ang pagdurusa ng marami sa mga alegasyon ni Digong, mga mare at pare ko, ay dapat mapatunayan ng Pangulo na may hawak siyang konkretong ebidensiya at hindi umasa sa intelligence reports lamang.

Pakinggan!

***

TEXT 0905-6767673 para sa inyong mga sumbong, puna at reklamo.

BULL’S EYE – Ruther Batuigas

About Ruther D. Batuigas

Check Also

YANIG ni Bong Ramos

Video-karera na matagal nang laos, bumabalik na naman

YANIGni Bong Ramos MULI yatang ibinabalik sa mga lansangan ng Maynila ang mga makina ng …

Aksyon Agad Almar Danguilan

Pagbaba ng krimen  sa QC, ‘wag balewalain — Napolcom Comm. Calinisan

AKSYON AGADni Almar Danguilan TAMA ang inyong nabasa – huwag balewalain o isnabin ang pagbaba …

Firing Line Robert Roque

Aalisin na ang EDSA busway?

FIRING LINEni Robert B. Roque, Jr. ANG SUWERTE lang natin na magkaroon ng transportation chief …

Dragon Lady Amor Virata

SOCE ng mga kandidato bubusisiin ng COMELEC

Isumbong mokay DRAGON LADYni Amor Virata HETO na, tuwing eleksyon lagi na lang sinasabi ng …

Sipat Mat Vicencio

Koronang ‘epal queen’ aagawin ni Camille kay Imee

SIPATni Mat Vicencio MUKHANG maaagaw ni Rep. Camille Villar kay Senator Imee Marcos ang korona …

Leave a Reply

Your email address will not be published. Required fields are marked *