Sunday , July 21 2024

Rebulto ni Enrile ipinagiba ni Mamba

TUGUEGARAO CITY – Ipinagiba ni Cagayan Governor Manuel Mamba ang bust o estatwa ni dating Sen. Juan Ponce Enrile na nakatayo sa harapan ng capitol grounds.

Isa ito sa mga unang atas ng gobernador sa kanyang pormal na pag-upo at pagdalo sa kanyang unang flag raising ceremony.

Nilinaw ni Mamba, hindi dapat dakilain ang dating senador dahil sa kahihiyang ibinigay nito sa Cagayan nang masampahan ng kasong plunder dahil sa pagkakasangkot sa PDAF scam.

Bukod dito, wala aniyang patumanggang pangingibabaw ng kultura nang walang napapanagot sa ilalim ng paghahari-harian daw ni Enrile at alipores ng dating senador sa lalawigan kaya’t naglipana ang isyu ng korupsiyon, katiwalian at karahasan.

Giit ng gobernador, buhay na buhay pa si Enrile kaya’t wala rin dahilan para patayuan siya ng rebulto gayong sa ilalim ng batas, tanging mga yumao na dinadakila ang dapat gawan ng estatwa.

Hindi aniya tama na maisusulat sa kasaysayan na dapat tingalain ang isang Cagayanong ipinahiya ang sariling lalawigan dahil sa malaking kaugnayan sa pandaramdong sa kaban ng bayan.

Ipinatayo ang nasabing rebulto noong 1984 sa ilalim ng panunungkulan ni Governor Justiniano Cortez.

Ayon kay Domingo Matammu, tumayong provincial administrator noong administrasyon ni Cortez, iniutos ng nasabing gobernador ang pagpapatayo ng rebulto bilang pasasalamat sa suporta ni Enrile.

Mahigpit na magkalaban sa politika noon ang kampo nina dating Gov. Teresa Dupaya at ni noo’y Defense Minister Enrile.

Sinasabing suportado ni dating First Lady Imelda Marcos at General Favian Ver ang mga Dupaya kontra sa kampo ni Enrile.

Sa maniobra raw ni Enrile ay nagawang maging gobernador ng lalawigan si Cortez.

Hinihintay ang magiging kasagutan ng mga Enrile sa ginawang pagtuligsa ni Gov. Mamba.

About hataw tabloid

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …

Leave a Reply

Your email address will not be published. Required fields are marked *