Sunday , July 14 2024

Nat’l ID system itinutulak ni Trillanes

INIHAIN ni Senador Antonio “Sonny” F. Trillanes IV ang Senate Bill No. 95 na magtatatag ng national ID system.

Tinatawag na Filipino Identification System bill, ang panukala ay naglalayong pag-isahin ang lahat ng ID system sa gobyerno sa iisang national ID system.

Sa ilalim ng sistemang ito, magbibigay ang pamahalaan ng Filipino Identification card na magsisilbing pagkikilanlan ng lahat ng Filipino, nakatira man sa loob o labas ng bansa, at maaaring magamit sa mga transaksiyon sa gobyerno.

Ayon kay Trillanes, “Sa huli, ang panukalang ito ay makatutulong sa gobyerno na makapagbigay nang mas maayos na serbisyo. Mas mapagtitibay din nito ang ating kampanya laban sa krimen at terorismo. Sa pagkakaroon ng iisang database, magkakaroon tayo nang mas mabilis na pagkukunan ng impormasyon ukol sa mga kriminal. Higit pa rito, mababawasan din ang mga leakage sa pagbibigay ng social services, nangunguna na rito ang Pantawid Pamilyang Pilipino Program.”

Ayon sa panukalang ito, ang Filipino ID ay gagawing tamper-proof na mayroong larawan ng may-ari at mahahalagang impormasyon tulad ng pangalan, kaarawan, kasarian, lagda, serial number na itatalaga ng Philippine Statistics Authority, at iba pang mahalagang impormasyon. Kalakip din nito ang biometric data ng may-ari. Walang dapat bayaran ang mga Filipino sa inisyal na pagkuha ng Filipino ID.

Bukod sa panukalang ito, nagsumite rin si Trillanes ng iba pang mahahalagang panukala tulad ng bagong Salary Standardization bill; pagtataas ng SSS pension; pagtatalaga ng Philippine archipelagic sea lanes; pagtukoy sa Philippine maritime zones; Freedom of Information; pagpapatibay ng Hotline 117; pagtataas ng old-age pension ng mga retiradong sundalo at ibang pang uniformed personnel; at ang bagong comprehensive nursing bill.

About hataw tabloid

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …

Leave a Reply

Your email address will not be published. Required fields are marked *