Wednesday , July 24 2024

Koko, tiyak na magiging Senate President — Lacson

TINIYAK ng bagong halal na si Senador Panfilo Lacson na sapat ang bilang ni Senador Aquilino Pimentel III para maluklok bilang bagong Senate President sa Hulyo 25 sa pagbubukas ng Kongreso.

Sa panayam ng DZBB, inilinaw ni Lacson na kahit ano ang gawing ‘pailalim na panliligaw’ ng talunang bise presidente na si Allan Peter Cayetano ay malinaw na may 17 boto na si Pimentel.

“Mawawala ang respeto naming mga senador na nagsilagda sa resolusyon para maging bagong Senate President si Pimentel at babaligtad para  iboto si Cayetano,” ani Lacson. “Hindi rin kami naniniwala sa ipinamamalita ni Cayetano na siya ang ‘chosen one’ ni Pangulong Duterte.”

Kasama ang kanyang boto, may 17 senador na maghahalal kay Pimentel kahit nagyayabang si Cayetano na may sapat na bilang pero walang mabanggit na mga pangalang senador.

Kaugnay nito, patuloy na pinalalakas ni Pimentel ang PDP-Laban sa ginagawang mga seminar sa tungkol sa Federalismo gayundin sa kanilang ideolohiya sa gustong lumahok sa partidong nagpanalo kay Duterte.

Ayon kina PDP-Laban Policy Study Group (PSG) head Jose Antonio Goitia at PDP-Laban National Capitol Region Council President Abbin Dalhani,  nagsagawa ng konsultasyon at seminar ang PDP-Laban nitong Sabado sa Rodriguez (dating Montalban), Rizal upang ipaunawa sa mamamayan na ang isinusulong ni Pimentel na Federalismo ay isang hakbang patungo sa demokratisasyon at higit pang partisipasyon ng taumbayan.

“Kaya umaasa tayo na ang sistemang federal ay makatutugon sa mga pangangailangan ng mahihirap sa probinsiya at mawawakasan na rin ang marami nang dekadang armadong pakikibaka ng mga sesesyonista at  iba pang puwersa sa pagbabawas ng kapangyarihan at mahahalagang pondo sa Imperyalistang Maynila,” dagdag nina Goitia at Dalhani.

About hataw tabloid

Check Also

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …

Bulacan Police PNP

No. 1 MWP – City Level, 16 lawbreakers timbog

ARESTADO ng mga awtoridad ang anim na hinihinalang tulak ng ilegal na droga, tatlong pinaghahanap …

Leave a Reply

Your email address will not be published. Required fields are marked *