Wednesday , July 24 2024
FIRING LINE ni Robert B. Roque, Jr.
FIRING LINE ni Robert B. Roque, Jr.

Huwag aksayahin ang pagkain

HINDI maikakaila na nakasanayan na ng mga naglalakihang tindahan, supermarket o restawran na itapon ang pagkain na hindi nabili o malapit nang mag-expire.

Pero alam ba ninyo na ang France ang unang bansa sa mundo na nagbawal sa mga supermarket na itapon ang mga pagkain na hindi naibenta, at sa halip ay ipagkaloob ito sa mga charity o food bank?

Batay sa isang batas na naipasa sa taon kasalukuyan ng senado ng France, hindi na itatabi ng malalaking tindahan ang mga pagkain na malapit nang mag-expire.

Ito ay batay sa kampanya ng mga mamimili, mga grupong kontra sa kahirapan at pag-aaksaya ng pagkain na nagresulta sa petisyon na isinumite ng isang konsehal laban sa pagtatapon ng pagkain.

Naunawaan kasi nang karamihan ang magandang hangarin ng naturang mga grupo kaya sinuportahan ito, lalo na ng kawanggawa at food banks.

Sa ganitong pamamaraan ay madaragdagan pa nang milyon-milyon ang libreng pagkain na ibinibigay ng mga kawanggawa sa bawat taon sa mga tao na hirap na hirap makabili ng sariling makakain.

Bago maipatupad ang batas, ang mga food bank ng France ay tumatanggap ng 100,000 tonelada ng mga abuloy na pagkain. Ang 35,000 tonelada rito ay mula sa mga supermarket.

Kahit ang 15 porsiyentong pagtataas sa pagkain na nagmumula sa mga supermarket ay mangangahulugan ng 10 milyong karagdagang pagkain na maibibigay sa mahihirap taon-taon.

Dahil sa magandang simulain na ipinakita ng France ay nakatakda rin ipasa ng Italy ang batas para gawing donasyon ng mga supermarket ang maaaksayang pagkain sa kawanggawa.

Hindi ba napapanahon para gawin natin ito sa ating bansa, na patuloy na tumataas ang bilang ng mahihirap at walang makain?

Sa halip mauwi sa basurahan ang mga pagkain na hindi na mabibili dahil malapit na ang expiration date, hindi ba mas mabuti na ibigay na lang ito sa kawanggawa upang maipakain sa mahihirap?

Kung gagawin itong kalakaran ay malaking tulong sa mga naghihikahos na hindi alam kung saan kukuha ng makakain sa araw-araw.

Bukod diyan ay makatitiyak pa ang mga mamimili na laging sariwa at hindi pa sira ang pagkain na kanilang binibili sa mga supermarket.

Pero ang tanong ay magagawa kaya ito sa ating bansa na may mga pagkain na iniabuloy ng mga nagmagandang loob na dayuhan para maipamahagi sa mga tinamaan ng trahedya, pero hinayaan lang mabulok ng ilang pabayang opisyal na walang magawang maganda sa kanilang kapwa?

***

SHORT BURSTS. Para sa mga komento o reaksiyon, mag-email [email protected] o mag-tweet sa @Side_View.

FIRING LINE – Robert B. Roque. Jr.

About Robert B. Roque, Jr.

Check Also

Dragon Lady Amor Virata

Mag-asawa for mayor sa 2025 local elections

Isumbong mokay DRAGON LADYni Amor Virata SABI ni Parañaque City Cong. Edwin Olivarez, ang utol …

FIRING LINE ni Robert B. Roque, Jr.

Paghihintay sa SONA

FIRING LINEni Robert B. Roque, Jr. INAASAHANG nakatutok ang mata ng lahat sa Presidente sa …

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Leave a Reply

Your email address will not be published. Required fields are marked *