HATAW! D'yaryo ng Bayan hatawtabloid.com
HINULI ng mga operatiba ng Las Piñas City Police ang 35-anyos lalaking may kasong sexual abuse sa isang dalagita kamakalawa ng gabi sa nasabing lungsod.
Base sa tanggapan ni Las Piñas Police chief, Sr.Supt. Jemar Modequillo, nahuli ng mga tauhan ng Warrant Section ang akusadong si Russel Tolentino, ng 138 Satima Compound, Pilar Talon 2, Brgy. Las Piñas City dakong 11:30 p.m. kamakalawa.
Sa bisa ng warrant of arrest na ipinalabas ni Parañaque City Regional Trial Court Judge Gloria B. Aglugub, hinuli si Tolentino na nahaharap sa kasong paglabag sa Republic Act 7610 o Child Abuse.
Ayon kay Sr. Supt. Modequillo, matagal nang pinaghahanap ang akusado at kamakalawa ng gabi ay natiyempohan sa kanilang lugar na dahilan nang pagka-aresto ng mga pulis.
May inirekomendang P200,000 piyansa ang korte para sa pansamantalang paglaya ng akusado.
( JAJA GARCIA )
