Wednesday , July 24 2024
ronald bato dela rosa pnp

48-oras ultimatum ni Gen. Bato sa drug lords

BINIGYANG-DIIN ni bagong Chief PNP Ronald dela Rosa, magiging maigting ang gagawin niyang paglilinis sa kanilang hanay mula sa scalawags na mga pulis.

Sa kanyang pormal na pag-upo bilang bagong PNP chief, sinabi ni Dela Rosa, partikular niyang binalaan ang mga kotong, abusado, tamad at sindikatong mga pulis na bilang na ang mga araw.

Ayon kay Dela Rosa, binibigyan niya ng 48 oras ang mga pulis lalo sa Metro Manila, na nagyayabang pang taga-recycle ng mga nakokomspiskang shabu ang mga boluntaryong sumuko na lamang sa kanya.

Kung hindi, mas mabuting mag-AWOL na lamang daw ang nasabing mga pulis, mag-full time drug lord at makipaggiyera na lang sa kanila.

Iginiit ni Dela Rosa, hindi niya masisikmura ang kasalukuyang kalakaran at kailangan nang matigil, kundi tatapusin niya ang masamang buhay ng scalawag na mga pulis.

Duterte sa Tondo residents

MAGNEGOSYO KAYSA MAGDROGA AT MAPATAY

PAGKAKALOOBAN ni Pangulong Rodrigo Duterte nang pagkakaabalahang negosyo ang mamamayang nasa ‘depressed areas’ para makapagsimula at maiangat ang sarili sa kahirapan imbes pumasok sa illegal drugs trade.

Ginawa ni Pangulong Duterte ang pahayag kamakalawa ng gabi makaraan makipagsalo-salo sa hapunan ang mga residente ng Tondo, Maynila.

Sinabi ni Pangulong Duterte, bibigyan niya ng konting puhunang pang-negosyo ang mga residente at kapag napalago ay saka isasauli sa gobyerno ang puhunan para magamit naman ng iba.

Muling inulit ng Pangulong Duterte ang babala niya sa mga lulong at sangkot sa ilegal na droga na mabubura sila sa mundo kapag hindi tumigil sa kanilang masamang bisyo.

“Kaya ‘yung mga kapital na ibibigay ko sa inyo. Maliliit lang naman sabi ko ‘yung mga anak ninyo baka gusto nilang mag-negosyo, grupo sila at bagong graduate. Instead of going to drugs, you might want to put up a business. Sabihin ko sa inyo, itong mga panahon, itong mga araw na darating, kung may punerarya ho kayo, kikita kayo nang husto,” dagdag ni Pangulong Duterte.

About hataw tabloid

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Leave a Reply

Your email address will not be published. Required fields are marked *