This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NANAWAGAN si Pangulong Rodrigo Duterte sa Kongreso at Commission on Human Rights (CHR) na huwag makialam sa kanyang paraan nang pagsugpo sa korupsiyon at illegal drugs.
“You mind your work and I will mind mine,” sabi ni Duterte sa kanyang inaugural speech kahapon makaraan manumpa bilang ika-16 Pangulo ng Republika ng Filipinas sa harap ni Supreme Court Associate Justice Bienvenido Reyes at kanyang mga anak na sina Paolo, Sara, Sebastian at Veronica, na humawak ng Biblia.
Tiniyak niya na puspusan ang kanyang paglaban sa korupsiyon, kriminalidad at illegal drugs kaya’t ipinaalala niya sa Kongreso at CHR na bilang abogado at dating piskal ay alam niya ang hangganan ng kapangyarihan ng isang presidente kaya’t batid niya kung ano ang legal at illegal.
Iginiit ni Dutete, nasaksihan niya kung paano agawin ng korupsiyon ang pondo ng bayan na para sana sa pag-angat sa kahirapan ng mga maralita.
Nakita niya kung paano sinira ng ilegal na droga ang mga tao at winasak ang kanilang mga pamilya, at kung paano ninakaw ng mga krimimal ang kinabukasan ng mga inosenteng mamamayan.
Sa huli, nagpaabot nang pakikiramay si Duterte sa bansang Turkey makaraan ang terrorist attack sa Istanbul airport kamakailan.
Inaasahan din niya ang partisipasyon nang lahat sa peace process at siniguro na susunod ang Filipinas sa lahat ng tratado at obligasyon sa international community.
“I am ready to start my work for the nation,” sabi pa ni Pangulong Duterte.
