BUNTIS na naman si Kristine Hermosa. Pang-apat na anak na nila ito ni Oyo Boy Sotto.
Ayon kay Oyo sa interview sa kanya ng ABS-CBN Push.com, gustong magkaroon ng kapatid na babae ang kanilang nag-iisang anak na babae. Unfortunately, lalaki ang batang nasa sinapupunan ngayon ni Kristine.
“Siya ‘yung laging gumaganoon (humihimas) sa tiyan ni Tin. ‘Hi, baby sister! I love you,’” sabi ni Oyo.
Ano ang naging reaksiyon ng anak nila nang malamang boy ang nasa tiyan ni Kristine?
“Noong nalaman niyang boy, nalungkot siya. For a while, sabi namin, ‘We came from the hospital and we found out that it was a boy.’ Sabi niya, ‘What?’ It’s a boy. Is it okay?’ Ngumiti pero alam naming deep inside, gusto niya baby sister para may kasama siya sa kuwarto.
“Gusto talaga namin siyang mapasaya kaya sumubok ulit kami ng isa para maging girl, pero boy ulit, eh,” natatawang kuwento ni Oyo.
Kumusta naman ang pagiging buhay may-asawa ng daddy niyang si Vic Sotto?
“Yun nga, ngayon lang uli nag-asawa si Daddy, never naman siyang nag-asawa sa buong buhay namin. Siguro ‘yung malaking pagbabago, I see that he’s very happy. He’s very content. Wala na siyang hihilingin pa para sa kanya. Kumbaga, nandiyan lang kami, ‘yung mga apo niya para sa kanya, lalong-lalo na si Pauleen. I see that she’s really taking care of my dad. Nandoon ‘yung effort eh, nakatutuwa.”
MA at PA – Rommel Placente
