The Story of Love, may kurot sa puso
KAGABI ginawa ang premiere night ng The Story Of Love na idinirehe ni GM Aposaga. Handog iyon ng ABG Film International Productions na ipalalabas na sa June 22.
Pinakapasadong pelikula ito ni Direk GM na tinatampukan nina Kyline Alcantara, Francis Magundayao, Ma. Isabel Lopez, Dianne Medina, Jong Cuenco, Joshua Nubla, Katrina Paula, Ynez Veneracion, Via Veloso, Jef Gaitan, at introducing sina AJ Ocampo at Princess Flores.
Napanood na namin ang The Story Of Love mula sa imbitasyon ni Direk GM. Ilang beses kaming umiyak lalo na sa massacre scene ng mga bandidong cast. Inspirational din ang naturang pelikula na hindi balakid ang kahirapan at pinagdaraanan sa buhay para isawalang bahala ang edukasyon.
Istorya ito ng isang guro na napadpad sa bundok para magbigay ng libreng pagtuturo sa taong yapak (NPA) na ‘di nakaranas makapag-aral at ‘di nakaranas ng respeto.
In fairness, maganda ang istorya ng pelikula, heartwarming at may pinatutunguhan.
May kanya-kanyang highlight ang mga cast at superb ang acting nina Kyline at Francis lalo na ang mga batang sina Joshua, Princess, at si AJ. Nag-shine talaga sila sa kanilang mga eksena.
Ang The Story Of Love ay dapat mapanood ng mga estudyante dahil marami silang matututuhan. May kurot ito sa puso at magmumulat sa ating kamalayan.
TALBOG – Roldan Castro
